‘ନୋଟବନ୍ଦୀ ଦେଶର ଅର୍ଥ ବ୍ୟବସ୍ଥାକୁ ଦୋହଲାଇ ଦେଇଛି’
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ନୋଟ ବନ୍ଦୀକୁ ନେଇ ତେଜୁଛି ରାଜନୀତି । କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ । ସେ କହିଛନ୍ତି ନୋଟବନ୍ଦୀ ପରି ସାଂଘାତିକ ତ୍ରୁଟିପୂର୍ଣ୍ଣ ନିଷ୍ପତ୍ତିକୁ ଲୁଚାଇବାକୁ କେନ୍ଦ୍ର ସରକାରଙ୍କୁ ପୁଣି ଥରେ ନୋଟବନ୍ଦୀ କରିବାକୁ ପଡ଼ୁଛି। ଖଡଗେ ଟ୍ୱିଟ କରି କହିଛନ୍ତି, ପ୍ରଥମ ନୋଟବନ୍ଦୀ ଦେଶର ଅର୍ଥ ବ୍ୟବସ୍ଥାକୁ ଦୋହଲାଇ ଦେଇଛି। ଏଥିଯୋଗୁ ସୁକ୍ଷ୍ମ, ଲଘୁ ଓ ମଧ୍ୟମ ଉଦ୍ୟୋଗ ପୂରାପୂରି ଠପ୍ ହୋଇଗଲା ଓ ଲକ୍ଷ ଲକ୍ଷ ଯୁବବର୍ଗ ଚାକିରି ହରାଇଲେ।
आपने पहली नोटबंदी से अर्थव्यवस्था को एक गहरा ज़ख़्म दिया था।
जिससे पूरा असंगठित क्षेत्र तबाह हो गया, MSME ठप्प हो गए और करोड़ों रोज़गार गए !
अब ₹2000 के नोट वाली "दूसरी नोटबंदी"…
क्या ये ग़लत निर्णय के ऊपर पर्देदारी है?एक निष्पक्ष जाँच से ही कारनामों की सच्चाई सामने आएगी।
— Mallikarjun Kharge (@kharge) May 20, 2023
ଏବେ ପୁଣି ଥରେ ୨ ହଜାର ଟଙ୍କିଆ ନୋଟ ପ୍ରତ୍ୟାହାର କରିବାକୁ ଘୋଷଣା କରି କେନ୍ଦ୍ର ସରକାର ନିଜ ଭୁଲ୍ ନିଷ୍ପତ୍ତି ଉପରେ ପରଦା ପକାଇବାକୁ ଚେଷ୍ଟା କରିଛନ୍ତି। ସେପଟେ ୨ ହଜାର ଟଙ୍କିଆ ନୋଟ ପ୍ରତ୍ୟାହାର କରିଛି ଆରବିଆଇ । ସେପ୍ଟେମ୍ବର ୩୦ ସୁଦ୍ଧା ବ୍ୟାଙ୍କରେ ବଦଳାଇ ହେବ ନୋଟ । ଏବେ ବଜାରରେ ଥିବା ୨ ହଜାର ଟଙ୍କିଆ ନୋଟ୍ ସଚଳ ରହିବ । ୩୦ ଡିସେମ୍ବର ସୁଦ୍ଧା ଅଚଳ ହେବ ୨ ହଜାର ଟଙ୍କିଆ ନୋଟ । ୨୦୧୬ ମସିହାରେ ହୋଇଥିବା ନୋଟ ବନ୍ଦୀ ସମୟରେ ରିଜର୍ଭ ବ୍ୟାଙ୍କ ୨୦୦୦ ଟଙ୍କିଆ ନୋଟ ପ୍ରଚଳନ କରିଥିଲା ।