ବଡ଼ମ୍ବା (ବଡ଼ ଖବର ବ୍ୟୁରୋ): ଭିଜିଲାନ୍ସ ଜାଲରେ ଡାକ୍ତର । ଶବ ବ୍ୟବଚ୍ଛେଦ ରିପୋର୍ଟ ପାଇଁ ଲାଞ୍ଚ ନେବାବେଳେ ଭିଜିଲାନ୍ସ ହାତରେ ଧରାପଡିଲେ ଡାକ୍ତର । କଟକ ଜିଲ୍ଲା ବଡ଼ମ୍ବା ଡାକ୍ତରଖାନାର ମୁଖ୍ୟ ତଥା ଅଧିକ୍ଷକ ଡ଼ା ବିଶ୍ବନାଥ ଆଧେକ ଗତ କିଛିବର୍ଷ ହେବ ବଡ଼ମ୍ବା ଡାକ୍ତରଖାନାରେ ରହି ଆସୁଥିବାବେଳେ ଲାଞ୍ଚ କାରବାର ନେଇ ବାରମ୍ବାର ଅଭିଯୋଗ ହେଉଥିଲା। ବଡମ୍ବା ମେଡିକାଲର ସର୍ଜରୀ ବିଶେଷଜ୍ଞ ଡ ବିଶ୍ୱନାଥ ଆଧେକଙ୍କୁ ଓଡ଼ିଶା ଭିଜିଲାନ୍ସ ଦ୍ୱାରା ଧରାଯିବା ସହ ମୋଟ ଚାହିଦା ତଥା ଦ୍ୱିତୀୟ କିସ୍ତିର ୨,୦୦୦ ଟଙ୍କା ସହ ଧରା ପଡିଛନ୍ତି ।
ସୂଚନା ଅନୁଯାୟୀ ୫, ୦୦୦ ଟଙ୍କା ଜଣେ ଅଭିଯୋଗକାରୀଙ୍କ ଠାରୁ ତାଙ୍କ ମୃତ ପୁଅର ଅନୁକୂଳ ପୋଷ୍ଟ ମର୍ଟମ ରିପୋର୍ଟ ପ୍ରଦାନ କରିବା ଏବଂ ଶୁଣାଣି ସମୟରେ କୋର୍ଟରେ ଅନୁକୂଳ ପ୍ରମାଣ ଦାଖଲ କରିବାକୁ ନିଶ୍ଚିତତା ସହିତ ୫, ୦୦୦ ହଜାର ଟଙ୍କାର ଅନୁକମ୍ପା ରାଶି ମାଗିଥିଲେ । ତେବେ କିଛି ଦିନ ପୂର୍ବରୁ, ଡକ୍ଟର ଆଧେକ ଅଭିଯୋଗକାରୀଙ୍କ ଠାରୁ ୨୦୦୦ ଟଙ୍କା ପାଇଛନ୍ତି। ତେବେ ମୃତ ପୁଅର ବାପା ଜଣେ ଗରିବ ଲୋକ ହୋଇଥିବାରୁ କୌଣସି ବିକଳ୍ପ ନ ପାଇ ଭିଜିଲାନ୍ସ କର୍ତ୍ତୃପକ୍ଷଙ୍କୁ ଜଣାଇଥିଲେ। ତଦନୁସାରେ ଭିଜିଲାନ୍ସ ଅଧିକାରୀମାନେ ଏହି ଯୋଜନା ପ୍ରସ୍ତୁତ କରିଥିଲେ ଏବଂ ଆଉ ପାଉଣା ନେବାବେଳେ ଡକ୍ଟର ଆଧେକଙ୍କୁ ଗିରଫ କରିଛି ଭିଜିଲାନ୍ସ ।
