ଡାକ୍ତରଙ୍କ ଅବହେଳା ଯୋଗୁ ଚାଲିଗଲା ନିରୀହ ଜୀବନ

ବଲାଙ୍ଗୀର (ବଡ଼ ଖବର ବ୍ୟୁରୋ): ଚିକିତ୍ସା ଅବହେଳାରୁ ଗଲା ନିରୀହ ଶିଶୁର ଜୀବନ ।ଏଭଳି ଅଭିଯୋଗ କରିଛନ୍ତି ପରିବାର ଲୋକେ । ମୃତକ ହେଲେ ପୁଇଁତଲା ଥାନା ବୁବେଲ ଗାଁର ଗୋପାଳ ନାଏକଙ୍କ ତିନି ବର୍ଷର ପୁଅ ମୃତ୍ୟୁଞ୍ଜୟ ନାଏକଙ୍କ । ଡାକ୍ତର ଓ ନର୍ସଙ୍କ ଚିକିତ୍ସାରେ ଅବହେଳା ଯୋଗୁଁ ଶିଶୁର ମୃତ୍ୟୁ ହୋଇଥିବା ବାପା ଓ ସଂର୍ପକୀୟ ଅଭିଯୋଗ କରିଛନ୍ତି। ସୂଚନା ଅନୁସାରେ ତିନିଦିନ ତଳେ ମୃତ୍ୟୁଞ୍ଜୟଙ୍କ ଝାଡା ହେଉଥିବାରୁ ଭୀମଭୋଇ ମେଡିକାଲକୁ ଆଣିଥିଲେ ପରିବାର ଲୋକେ ।

ହେଲେ ଡାକ୍ତର ଫେରାଇ ଦେଇଥିଲେ। ଗତକାଲି ମଧ୍ୟ ଶିଶୁର ସ୍ବାସ୍ଥ୍ୟ ଗୁରୁତର ହୋଇଥିଲେ ମଧ୍ୟ ଡାକ୍ତର ଦେଖିନଥିଲେ। ରାତି ୧୧ଟାରେ ରାଉଣ୍ଡରେ ହିଁ ଦେଖିଥିଲେ। କିନ୍ତୁ ଟେଷ୍ଟ ଓ ଆନୁସଂଙ୍ଗିକ ଚିକିତ୍ସା ଦେବା ଅବହେଳା ଯୋଗୁଁ ପୁଅର ମୃତ୍ୟୁ ହୋଇଥିବା ଶିଶୁର ବାପା ଓ ଶିଶୁର ମାମୁଁ ଅଭିଯୋଗ କରିଛନ୍ତି। ସେପଟେ ଡାକ୍ତର ଅବହେଳାରୁ ଶିଶୁ ମୃତ୍ୟୁ ଘଟଣାରେ ମେଡିକାଲ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳି ପାରିନାହିଁ।