ତୃତୀୟ ଲହରକୁ ନେଇ ଭୟ କରନ୍ତୁନି

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଚଳିତ ବର୍ଷ ଜୁଲାଇ ସୁଦ୍ଧା ଶେଷ ହେବ ଦ୍ୱିତୀୟ ଲହର । ଏବଂ ଏହା ସରିବାର ୬ରୁ ୮ ମାସ ମଧ୍ୟରେ ଆରମ୍ଭ ହେବ ତୃତୀୟ ଲହର । ଏନେଇ ଭାରତ ସରକାରଙ୍କ ବିଜ୍ଞାନ ମନ୍ତ୍ରାଳୟ ଅଧିନ ‘ବିଜ୍ଞାନ ଓ ପ୍ରଯୁକ୍ତି ବିଦ୍ୟା’ର ୩ଜଣିଆ ଟିମ ସୂଚନା ଦେଇଛି । ତେବେ ଟିକାକରଣ ଯୋଗୁଁ ଅନେକ ଲୋକଙ୍କ ଠାରେ ରୋଗପ୍ରତିରୋଧକ ଶକ୍ତି ବୃଦ୍ଧି ଘଟିଥିବ । ତେଣୁ ଏହି ତୃତୀୟ ପ୍ରବାହ ଅଧିକ ଲୋକଙ୍କୁ ସଂକ୍ରମିତ କରିବନି ବୋଲି ଏହି ଟିମ କହିଛି ।

ସେହିପରି ଦେଶରେ ମେ ଶେଷ ସୁଦ୍ଧା ଦୈନିକ ସଂକ୍ରମଣ ୧.୫ଲକ୍ଷ ହୋଇଥିବା ବୋଲି କମିଟିର ସଦସ୍ୟ କହିଛନ୍ତି । ସେହିପରି ଜୁଲାଇ ଶେଷ ବେଳକୁ ଦେଶର ସଂକ୍ରମଣ ୨୦ହଜାରରୁ କମ ହେବା ନେଇ ଏହି କମିଟିର ରିପୋର୍ଟରେ କୁହାଯାଇଛି । ଏହି ଗଣନାକୁ ସୁତ୍ର ମଡେଲ ମାଧ୍ୟମରେ ବାହାର କରାଯାଇଛି ବୋଲି ଟିମର ସଦସ୍ୟମାନେ କହିଛନ୍ତି ।