କଟକ ଭୁବନେଶ୍ୱର ପରେ ନକଲିର ନୂଆ ଠିକଣା ସମ୍ବଲପୁର

ସମ୍ବଲପୁର(ବଡ଼ ଖବର ବ୍ୟୁରୋ): କଟକ,ଭୁବନେଶ୍ୱର ପରେ ପରେ ସମ୍ବଲପୁରରେ ମଧ୍ୟ ଧରାପଡିଛି ନକଲି ସାମଗ୍ରୀ ଗୋଦାମ । ସମ୍ବଲପୁର ସହରର ବରେଇପାଲି ମୁଙ୍ଗାପଡା ଠାରେ ଥିବା ଏକ ଗୋଦାମରୁ ଅଇଁଠାପାଲି ପୋଲିସ ଚଡଉକରି ଜବତ କରିଛି ନକଲି ଡିଟର୍ଜେଣ୍ଟ ପାଉଡର। ବହୁଦିନ ହେବ ସମ୍ବଲପୁର ସହରରେ ହିନୁସ୍ଥାନ ଲିବରର କଂପାନିରେ ନକଲି ଡିଟର୍ଜେଣ୍ଟ ପାଉଡର ‘ସର୍ଫ ଏକ୍ସେଲ’କୁ ବ୍ରାଣ୍ଡିଂ ପ୍ୟାକେଜିଂ କରି ବିକ୍ରି କରୁଥିବା ଅଭିଯୋଗ ହୋଇ ଆସୁଥିଲା । ଏନେଇ କଂପାନୀ ପକ୍ଷରୁ ଅଇଁଠାପାଲି ଥାନାରେ ଲିଖିତ ଅଭିଯୋଗ ହେବାପରେ ପୋଲିସ ପକ୍ଷରୁ ଏହି ଚଡାଉ କରାଯାଇଛି । ପୋଲିସ ବରେଇପାଲି ମୁଙ୍ଗାପଡାର ଏହି ନକଲି ଡିଟର୍ଜେଣ୍ଟ ପାଉଡର ଗୋଦାମ ଉପରେ ଚଢାଉ କରି ପାଖାପାଖି ୨୩୯ ବସ୍ତା ରେ ଥିବା ୨୫,୦୦୦ ପ୍ୟାକେଟ ନକଲି ସର୍ଫ ଜବତ କରିଛି । ଏହି ଘଟଣାରେ ପୋଲିସ ଗୋଦାମ ମାଲିକ ଆଶିଷ ଅଗ୍ରୱାଲଙ୍କୁ ଗିରଫ କରିବା ସହ ଆଉ କିଏ କିଏ ଏଥିରେ ସାମିଲ ଅଛନ୍ତି ସେନେଇ ଅଧିକ ତଦନ୍ତ କରୁଛି ।