ତୁର୍କୀରେ ଭୟଙ୍କର ଭୂମିକମ୍ପ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ତୁର୍କୀରେ ଭୟଙ୍କର ଭୂମିକମ୍ପ । ଅନେକ କୋଠାବାଡ଼ି ଧ୍ୱଂସ । ୨ ଥର ଭୂମିକମ୍ପ ଅନୁଭୂତ ହୋଇଥିବା ସୂଚନା ମିଳିଛୀ । ଭୂମିକମ୍ପର ତୀବ୍ରତା ରିକ୍ଟର ସ୍କେଲରେ ୭.୮ଥିବାବେଳେ ୧୫ ମିନିଟ ପରେ ଆଉ ଏକ କମ୍ପନ ଅନୁଭୂତ ହୋଇଥିଲା । ତାହାର ତୀବ୍ରତା ରିକ୍ଟର ସ୍କେଲରେ ୬.୭ ଥିବା ୟୁଏସଜିଏସ ସୂଚନା ଦେଇଛି । ସୋମାବାର ସକାଳୁ ଦକ୍ଷିଣ ତୁର୍କୀରେ ଭୂମିକମ୍ପ ହୋଇଛି । ‘ୟୁଏସ୍ଜିଏସ୍’ ତଥ୍ୟା ଅନୁସାରେ, ଗାଜିଆନତେପ୍ ପ୍ରଦେଶର ନୁର୍ଦାଗି ନଗରୀର ପୂର୍ବକୁ ୨୬ କିଲୋମିଟର୍ ଦୂରରେ ଭୂଗର୍ଭର ୧୭.୯ କି.ମି. ଅଭ୍ୟନ୍ତରରେ ପ୍ରଥମ ଭୂମିକମ୍ପ ହୋଇଥିଲା। ଏହାର କିଛି ସମୟ ପରେ କେନ୍ଦ୍ରୀୟ ତୁର୍କୀରେ ଭୂଗର୍ଭର ୯.୯ କିଲୋମିଟର୍ ଅଭ୍ୟନ୍ତରରେ ଦ୍ବିତୀୟ ଭୂମିକମ୍ପ ହୋଇଥିଲା।ଏହି ଭୂମିକମ୍ପ ଅନେକ କୋଠାବାଡ଼ି ଧ୍ବଂସ ହୋଇଯିବା ସହିତ ବହୁ ଲୋକ ମୃତାହତ ହୋଇଥିବା ଆଶଙ୍କା କରାଯାଉଥିଲେ ସୁଦ୍ଧା ସରକାରୀ ଭାବେ କୌହଣସି ସୂଚନା ମିଳିନାହିଁ।