ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପାକିସ୍ତାନ ପାଖରେ ନାହିଁ ଟଙ୍କା । ଧାରକରଜ କରି ଦେଶକୁ ଠିକ ରାସ୍ତାକୁ ଆଣିବା ପାଇଁ ଚେଷ୍ଟା କରୁଛନ୍ତି ପାକିସ୍ତାନ ସରକାର । ସ୍ଥିତି ସୁଧାରିବା ପାଇଁ ଚାଲିଛି ଚେଷ୍ଟା । ହେଲେ ଆତଙ୍କବାଦୀ ଦେଶର ଅର୍ଥନୀତି ବେକାବୁ । ସେଇଥିପାଇଁ କହୁଛୁ କାନ୍ଦୁଛି ପାକିସ୍ତାନ । ପାକିସ୍ତାନର ସ୍ଥିତି ହାଲବେହାଲ । ସବୁଠି ହାହାକାର । ଭୋକ ବିକଳରେ ଲୋକେ ଆଉଟୁପାଉଟୁ । ଜୀବନ ସହ ସଂଘର୍ଷ କରୁଛନ୍ତି ପାକିସ୍ତାନୀ । ଅର୍ଥନୈତିକ ସ୍ଥିତି ସୁଧାରିବା ପାଇଁ ଚେଷ୍ଟା କରୁଛନ୍ତି ପାକିସ୍ତାନ ସରକାର । ହେଲେ ସ୍ଥିତି ଏବେ ଅସମ୍ଭାଳ । ଦେଶର ଅର୍ଥନୀତି ଟ୍ରାକକୁ ସଜାଡ଼ିବା ପାଇଁ ଅଂଟା ଭିଡିଛନ୍ତି ସରକାର ।
ଆମେରିକାର ତୀବ୍ର ବିରୋଧ ସତ୍ୱେ ପାକିସ୍ତାନ ଚୀନରୁ ଆଣିଛି ଋଣ । ଏକ ଦାମିକ ବିଲିୟନ ଡଲାର ଚୀନ ଠାରୁ ଋଣ କରିଛନ୍ତି ପାକିସ୍ତାନ ସରକାର । ଦେବାଳିଆ ଅବସ୍ଥାରେ ଥିବା ଆତଙ୍କବାଦୀ ଦେଶ ପାକିସ୍ତାନ, ଚୀନର ଇଣ୍ଡ୍ରଷ୍ଟି୍ରଆଲ ଅଫ୍ କମର୍ସିଆଲ ବ୍ୟାଙ୍କ ଅଫ୍ ଚାଇନାରୁ ଋଣ ଆଣିଛି । ଯାହା ଫଳରେ ଦେଶ କିଛି ମାତ୍ରାରେ ଚାଲିପାରିଛି । ନାହିଁ ତ ସର୍ବନାଶ ହେବା ଥୟ । ବର୍ତମାନ ପାକିସ୍ତାନ ପାଖରେ ଯେତିକି ଅର୍ଥ ଅଛି ଆଉ ମାତ୍ର ଦୁଇ ସପ୍ତାହ ଯିବ । ୟାରି ଭିତରେ ଯଦି ସ୍ଥିତି ନ ସୁଧୁରେ ତା ହେଲେ ପାକିସ୍ତାନ ଡାକିବ ତ୍ରାହିତ୍ରାହି । ସେଇଥିପାଇଁ ପାକିସ୍ତାନ ସରକାର ଚାଇନାଠାରୁ ଅର୍ଥ ଆଣିବାକୁ ବାଧ୍ୟ ହୋଇଛନ୍ତି ।
