ଟ୍ରେନ ଟ୍ରାଜେଡି, ଏକାଦଶାହରେ ବିଶ୍ୱଶାନ୍ତି ମହାଯଜ୍ଞ

ବାହାନଗା (ବଡ଼ ଖବର ବ୍ୟୁରୋ):  ବାହାନଗା ଟ୍ରେନ ଟ୍ରାଜେଡିକୁ ପୂରିଛି ୧୧ ଦିନ । ଏକାଦଶାହରେ ଆଜି ବିଶ୍ୱଶାନ୍ତି ମହାଯଜ୍ଞ କରାଯାଉଛି । ମୃତକଙ୍କ ଆତ୍ମାର ସଦଗତି ପାଇଁ ହେବ ସର୍ବଧର୍ମ ପ୍ରାର୍ଥନା । କାଲି ଦଶାହରେ ସମୂହ ମୁଣ୍ଡନ ହୋଇଥିଲେ ସ୍ଥାନୀୟ ବାସିନ୍ଦା ଓ ସାମାଜିକ ସଂଗଠନ । ଦିବଂଗତ ଆତ୍ମାଙ୍କର ସଦଗତି, ଆହତ ବ୍ୟକ୍ତିମାନଙ୍କର ଆଶୁ ଆରୋଗ୍ୟ କାମନା କରିବା ସହିତ ବାହାନଗା ଅଞ୍ଚଳରେ ଧାର୍ମିକ ପରିବେଶ ସୃଷ୍ଟି ନିମନ୍ତେ ବାହାନଗା, ସୋର ଅଞ୍ଚଳବାସୀ ଓ ବାଲେଶ୍ବର ସାମାଜିକ ସଂଗଠନ ପକ୍ଷରୁ ବିଶ୍ୱ ଶାନ୍ତି ମହାଯଜ୍ଞ କରାଯାଉଛି । ସକାଳ ୫ଟାରୁ ମହାଯଜ୍ଞ ଅନୁଷ୍ଠିତ ହୋଇଛି ।