ମମତାଙ୍କ ବିପକ୍ଷରେ ପ୍ରାର୍ଥୀ ଦେବନି କଂଗ୍ରେସ

କୋଲକାତା(ବଡ଼ ଖବର ବ୍ୟୁରୋ): ଆସନ୍ତା ୩୦ ତାରିଖରେ ପଶ୍ଚିମବଙ୍ଗରେ ଉପ-ନିର୍ବାଚନ ହେବାକୁ ଯାଉଛି । ଏହି ଉପ-ନିର୍ବାଚନରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଭବାନୀପୁର ଆସନରୁ ଲଢିବେ । ଏ ନେଇ ସାରା ଦେଶର ନଜର ବର୍ତ୍ତମାନ ପଶ୍ଚିମବଙ୍ଗ ରାଜନୀତି ଉପରେ ରହିଛି । ଏହା ମଧ୍ୟରେ କଂଗ୍ରେସ ମୁଖ୍ୟମନ୍ତ୍ରୀ ମମତା ବାର୍ନାଜୀଙ୍କ ବିପକ୍ଷରେ କୌଣସି ପ୍ରାର୍ଥୀ ଦେବ ନାହିଁ ବୋଲି ସୂଚନା ମିଳିଛି ।

ଅପରପକ୍ଷେ ୨୦୧୧ ଏବଂ ୨୦୧୬ ମସିହା ବିଧାନସଭା ନିର୍ବାଚନରେ ଭବାନୀପୁରରୁ ମମତା ବାନାର୍ଜୀ ବିଜୟ ଲାଭ କରିଥିଲେ । ଏହା ସହ ଭବାନୀପୁର, ଶମଶେରଗଞ୍ଜ ଏବଂ ଜାଙ୍ଗିପୁର ଆସନରେ ଉପ ନିର୍ବାଚନ ପାଇଁ ତୃଣମୂଳ କଂଗ୍ରେସ ପକ୍ଷରୁ ଏହାର ପ୍ରାର୍ଥୀଙ୍କ ନାମ ଘୋଷଣା କରାଯାଇଛି । ଭବାନୀପୁରରୁ ମମତା ବାର୍ନାଜୀ ଲଢୁଥିବା ବେଳେ ଜାଙ୍ଗିପୁରରୁ ଜାକିର ହୁସେନ ଏବଂ ଶାମଶେରଗଞ୍ଜରୁ ଅମିରୁଲ ଇସଲାମ ପ୍ରତିନ୍ଦ୍ୱତିତା କରିବେ ବୋଲି ସୂଚନା ମିଳିଛି ।