ଇଡିର ବଡ଼ ଧରଣର ରେଡ
ଭୁବନେଶ୍ୱର (ବଡ଼ ଖବର ବ୍ୟୁରୋ): ବେଆଇନ ଲୁହା ଖଣିରେ ଇଡିର ବଡ଼ ଧରଣର ଚଢଉ । ଭୁବନେଶ୍ୱର, ବଡ଼ବିଲ୍, ରାଉରକେଲା ସମେତ ରାଜ୍ୟର ୧୨ରୁ ଅଧିକ ଅଞ୍ଚଳରେ ଚଢ଼ାଉ । ଚଢ଼ଉ ହୋଇଥିବା ଦୁଇ ସଂସ୍ଥା ହେଲେ ଦୀପକ ଷ୍ଟିଲ୍ ଆଣ୍ଡ ପାୱାର, ସ୍ନେହାପୁଷ୍ପ ମାର୍କେଟିଂ ଲିମିଟେଡ୍ । ରେଡରେ ନଗଦ ୩୦ ଲକ୍ଷ ଟଙ୍କା, ୨ କେଜି ସୁନା ଓ ଦାମୀ କାର୍ ଜବତ ।
କେନ୍ଦୁଝର ଯୋଡ଼ାରେ ବେଆଇନ ଲୁହା ଖଣି ଖନନ ମାମଲାରେ ଏହି ଚଢ଼ାଉ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ । ଚଢ଼ାଉ ବେଳେ ୧ କୋଟି ୨୪ ଲକ୍ଷ ଟଙ୍କାର ସୁନା ସହ ୩୦ ଲକ୍ଷ ଟଙ୍କା ନଗଦ ଜବତ ହୋଇଛି । ଏହାସହ ଦାମୀ କାର ଓ କିଛି ଗୁରୁତ୍ୱପୂର୍ଣ୍ଣ କାଗଜପତ୍ର ମଧ୍ୟ ଜବତ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟର ଟିମ୍ । ୧ କୋଟି ୨୩ ଲକ୍ଷ ଟଙ୍କା ଥିବା ୬ଟି ବ୍ୟାଙ୍କ ଜମା ଫ୍ରିଜ୍ କରିବାକୁ ନିର୍ଦ୍ଦେଶ ଦେଇଛି ତଦନ୍ତକାରୀ ସଂସ୍ଥା ।