ସ୍ୱାସ୍ଥ୍ୟକେନ୍ଦ୍ରର ସ୍ୱଚ୍ଛତା ପାଇଁ ପ୍ରୟାସ

ସମ୍ବଲପୁର(ବଡ଼ ଖବର ବ୍ୟୁରୋ): ସମ୍ବଲପୁର ଧନକଉଡା ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରର ସ୍ୱଚ୍ଛତା ପାଇଁ ବିଷେଶ ଅଭିଯାନ କରାଯାଉଛି । ରାଜ୍ୟ ସରକାରଙ୍କ ସ୍ୱଚ୍ଛ ସର୍ବେକ୍ଷଣରେ ସ୍ୱାସ୍ଥ୍ୟକେନ୍ଦ୍ର ସାମିଲ ରହି ଆଗରୁ ତିନିଥର କାୟାକଳ୍ପ ପୁରସ୍କାର ପାଇଛି । ଏହି ସ୍ୱାସ୍ଥ୍ୟକେନ୍ଦ୍ର ଆଦର୍ଶ ସ୍ୱାସ୍ଥ୍ୟକେନ୍ଦ୍ର ଭାବେ ପରିଚିତ । ଚଳିତବର୍ଷ ସ୍ୱାସ୍ଥ୍ୟକେନ୍ଦ୍ର କିପରି ପୁଣି ଥରେ ସ୍ୱଚ୍ଛ ଅଭିଯାନରେ ସାମିଲ ରହି ନା’ ରଖିବ ତାର ପ୍ରୟାସ ଆରମ୍ଭ ହୋଇଛି । ଧନକଉଡା ସହରାଂଚଳ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ବୈଠକ ଅନୁଷ୍ଠିତ ହୋଇଥିଲା । ବୈଠକରେ ସ୍ୱାସ୍ଥ୍ୟକେନ୍ଦ୍ରର ଡାକ୍ତର, ନର୍ସ, ରୋଗୀ କଲ୍ୟାଣ ସମିତିର ସଭ୍ୟ, ଅଙ୍ଗନୱାଡି ଅଂଚଳବାସୀଙ୍କ ସହ ସବୁବର୍ଗର ଲୋକେ ଏକତ୍ରିତ ହୋଇଥିଲେ । ଚଳିତବର୍ଷ କିପରି ସ୍ୱଚ୍ଛତା ପନ୍ଥା ଅବଲମ୍ବନ କଲେ ଧନକଉଡା ସ୍ୱାସ୍ଥ୍ୟକେନ୍ଦ୍ର ପୁଣି ଥରେ ସାମିଲ ହୋଇପାରିବ ବୋଲି ଆଲେଚନା କରିଥିଲେ ।