ହାତୀ ଉପଦ୍ରବ, ଭାଙ୍ଗିଲା ସ୍କୁଲ ପାଚେରି

ବାଂଶପାଳ(ବଡ଼ ଖବର ବ୍ୟୁରୋ): ବାଂଶପାଳରେ ଦନ୍ତା ଉପଦ୍ରବ । ଭାଙ୍ଗିଲା ସ୍କୁଲ ପାଚେରି । ନଷ୍ଟ କଲା କଦଳୀ ବଗିଚା । କିଛିଦିନ ହେବ ବାଂଶପାଳ ବ୍ଲକ କାଞ୍ଜିପାଣି ବିଟ ନିକଟସ୍ଥ ଶଙ୍କରେଇ ଗ୍ରାମ ଜଙ୍ଗଲରେ ଥିବା ଗୋଟିଏ ଗୋଠଛଡା ଦନ୍ତାହାତୀ ସନ୍ଧ୍ୟା ହେବା ମାତ୍ରେ ଗାଁ ମୁହାଁ ହେଉଛି । ସ୍ଥାନୀୟ ଲୋକଙ୍କୁ ଭୟଭୀତ କରିବା ସହ ଉପଦ୍ରବ ଚଳାଇଛି । ଶଙ୍କରେଇ ସ୍କୁଲ ପାଚେରି ଭାଙ୍ଗିବା ସହ ୩୦୦ ଉର୍ଦ୍ଧ୍ୱ କଦଳୀଗଛ ଦଳି ମକଚି ନଷ୍ଟ କରି ଦେଇଛି । ବନବିଭାଗ ହାତୀ ଘଉଡେଇବାରେ ଅସମର୍ଥ ବୋଲି ଗାଁ ଲୋକେ ଅଭିଯୋଗ କରିଛନ୍ତି । ହାତୀ ଭୟରେ ଲୋକମାନେ ଭୟଭୀତ ହୋଇ ରାତିସାରା ଜଗିରହିଛନ୍ତି ।