ଗୋଳାବାରୁଦ କାରଖାନାରେ ବିସ୍ଫୋରଣ , ୨ ଗୁରୁତର
ବଲାଙ୍ଗିର (ବଡ଼ ଖବର ବ୍ୟୁରୋ): ବଡ଼ମାଲ ଗୋଳାବାରୁଦ କାରଖାନାରେ ବିସ୍ଫୋରଣ । କାରଖାନାର ୟୁନିଟ-୩ରେ କେମିକାଲ ମିଶ୍ରଣ ବେଳେ ବିସ୍ଫୋରଣ । ୨ ବରିଷ୍ଠ ଟେକ୍ନିସିଆନ ଗୁରୁତର । ଉଭୟ ଗୁରୁତରଙ୍କୁ ବଡ଼ମାଲରୁ ରାଉରକେଲା ସ୍ଥାନାନ୍ତର । ଡିବିଡବ୍ଲୁ କର୍ମଚାରୀ ଗୌତମ ମହାନନ୍ଦ ଓ ଜେଡବ୍ଲୁଏମ ଡା ସରୋଜ କୁମାର ପଣ୍ଡା ବୋମା ତିଆରୀ କରିବା ରସାୟନ ମିଶ୍ରଣ କରୁଥିବା ସମୟରେ ଅଚାନକ ଏସଇ୧ ରସାୟନଟି ବାୟୁ ସସ୍ପର୍ଶରେ ଆସି ବିସ୍ଫୋରଣ ହୋଇଥିଲା । ଯାହାଫଳରେ ଦୁଇ କର୍ମଚାରୀ ଗୁରୁତର ହୋଇଥିଲେ।
କାର୍ଯ୍ୟରତ କର୍ମଚାରୀମାନେ ଉଦ୍ଧାର କରି ବଡ଼ମାଳ ଡାକ୍ତଖାନାରେ ଭର୍ତି କରିଥିଲେ । ପରେ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ରାଉରକେଲା ସ୍ଥିତ ବର୍ଣ୍ଣ ୟୁନିଟ ହସ୍ପିଟାଲକୁ ସ୍ଥାନାନ୍ତରିତ କରାଯାଇଥିଲା। ଖବର ପାଇ କାରଖାନାର ମହା ପ୍ରବନ୍ଧକ ପ୍ରଦିପ କୁମାର ଦାଶ ଘଟଣାସ୍ଥଳରେ ପହଞ୍ଚି ଗୁରୁତର କର୍ମଚାରୀମାନଙ୍କୁ ପଚରା ଉଚରା କରିଥିଲେ।
