ବିସ୍ଫୋରକ ଉଦ୍ଧାର

ମାଲକାନଗିରି (ବଡ଼ ଖବର ବ୍ୟୁରୋ): କୁମ୍ବିଂ ଅପରେସନ ସମୟରେ ବିଏସଏଫ ବାହିନୀକୁ ମିଳିଲା ବଡ଼ ସଫଳତା। ମାଲକାନଗିରି ଜିଲ୍ଲା କାଲିମେଳା ଥାନା ଅନ୍ତର୍ଗତ ବଡ଼ିଗାଟା-୭୬ ବାଟାଲିଅନର ଯବାନମାନେ ରାଜୁଲକୋଣ୍ଡା ଜଙ୍ଗଲରେ କୁମ୍ବିଂ ଅପରେସନ କରୁଥିବା ସମୟରେ ଗୁଇନ୍ଦା ସୂଚନା ପାଇ ୨୦୦ରୁ ଊର୍ଦ୍ଧ୍ୱ ଜିଲେଟିନ ଷ୍ଟିକ ଉଦ୍ଧାର କରିଛନ୍ତି। ପୂର୍ବରୁ ଏହି ଅଞ୍ଚଳ ମାଓଉପଦ୍ରୁତ ଅଞ୍ଚଳ ହୋଇଥିବା ବେଳେ ଏତେ ସଂଖ୍ୟକ ଜିଲେଟିନ ଷ୍ଟିକ କେମିତି ଏଠାକୁ ଆସିଲା ଏବଂ କିଏ ଏହାକୁ ଆଣିଛି ତାହା ଜାଣିବା ପାଇଁ ମାଲକାନଗିରି ପୋଲିସ ସହ ଯୋଗାଯୋଗ କରିଛି ବିଏସଏଫ ବାହିନୀ।