Before Header

ବାତ୍ୟା ପରେ ଏବେ ବନ୍ୟା ଭୟ!

0 217

ମୟୂରଭଞ୍ଜ(ବଡ଼ ଖବର ବ୍ୟୁରୋ): ବାତ୍ୟା ପରେ ଏବେ ବନ୍ୟା ଭୟ । ୟାଶର ଲ୍ୟାଣ୍ଡଫଲ ସରିଛି । ଆଉ ଏହାର ପ୍ରଭାବରେ ସମୁଦ୍ର ଉପକୂଳବର୍ତ୍ତୀ ଜିଲ୍ଲା ଗୁଡ଼ିକରେ ପ୍ରବଳରୁ ଅତି ପ୍ରବଳ ବର୍ଷା ହେଉଛି । ବର୍ତ୍ତମାନ ବାତ୍ୟା ମୟୂରଭଞ୍ଜ ମୁହାଁ ହେଉଛି । ଏହାର ପ୍ରଭାବରେ ମୟୂରଭଞ୍ଜ ଶିମିଳିପାଳରେ ପ୍ରବଳ ବର୍ଷା ହେବାରେ ଲାଗିଛି । ଯେଉଁ କାରଣରୁ ମୟୂରଭଞ୍ଜ ବୁଢ଼ାବଳଙ୍ଗ ନଦୀରେ ଜଳସ୍ତର ବଢ଼ିବାରେ ଲାଗିଛି । ତେଣୁ ବାତ୍ୟା ପରବର୍ତ୍ତୀ ସମୟରେ ବନ୍ୟା ହେବାନେଇ ଆଶଙ୍କା କରାଯାଉଛି । ଯଦି ବନ୍ୟା ହୁଏ ତେବେ ବିଶେଷ କରି ମୟୂରଭଞ୍ଜ ସମେତ ବାଲେଶ୍ୱର ମଧ୍ୟ ପ୍ରଭାବିତ ହେବାର ସମ୍ଭାବନା ରହିଛି ।

ରେମୁଣା ବାହାନଗା ମଧ୍ୟରେ ଲ୍ୟାଣ୍ଡଫଲ କରିଛି ୟାଶ । ଲ୍ୟାଣ୍ଡଫଲ ପ୍ରକ୍ରିୟା ଶେଷ ହେବା ପରେ ଏଠାରେ ବର୍ଷାର ମାତ୍ରା ସାମାନ୍ୟ କମିଛି । ସେପଟେ ନୀଳଗିରି ଓ ଶିମିଳିପାଳରେ ବର୍ଷା ଓ ପବନ ବଢ଼ୁଛି । ଶିମିଳିପାଳ ରେଞ୍ଜରେ ବାତ୍ୟା ସ୍ଥିତି ଉପରେ ନଜର ରଖାଯାଇଛି । ବର୍ଷା ହେଉଥିବା କାରଣରୁ ବନ୍ୟା ଆସିବା ବେଇ ଆଶଙ୍କା କରାଯାଉଛି । ବୁଢ଼ାବଳଙ୍ଗ ନଦୀର ଜଳସ୍ତର ବାରିପଦାଠାରେ ୨୧ଫୁଟରେ ଅଛି । ୬ମିଟର ବିପଦ ସଙ୍କେତ ତଳେ ଜଳ ପ୍ରବାହିତ ହେଉଛି । ମୟୂରଭଞ୍ଜ ଜିଲ୍ଲାର ତଳିଆ ଅଞ୍ଚଳରେ ରହୁଥିବା ପ୍ରାୟ ୧ଲକ୍ଷରୁ ଉଦ୍ଧ୍ୱର୍ ଲୋକଙ୍କୁ ସ୍ଥାନାନ୍ତର କରାଯାଉଛି । ଆଗାମୀ ୧୨ଘଣ୍ଟା ନୀଳଗିରି ଓ ମୟୂରଭଞ୍ଜ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ମୟୂରଭଞ୍ଜରେ ବାତ୍ୟା ପହଞ୍ଚିବାକୁ ବେଳକୁ ଏହାର ପବନର ମାତ୍ରା ଘଣ୍ଟା ପ୍ରତି ୧୨୦ରୁ ୧୩୦ କିଲୋମିଟର ରହିବ । ଏନେଇ ସୂଚନା ଦେଇଛନ୍ତି ଏସଆରସି ।

Leave A Reply

Your email address will not be published.