ମାଲକାନଗିରି (ବଡ଼ ଖବର ବ୍ୟୁରୋ): ମାଲକାନଗିରିରେ ଆଜି ଜଣେ ମହିଳା ମାଓବାଦୀ ଆତ୍ମସମର୍ପଣ କରିଛନ୍ତି । ମହିଳା ମାଓବାଦୀ ଲଚ୍ଛି ଖରା ୧ ବର୍ଷ ପୂର୍ବରୁ ମାଓବାଦୀ ଦଳରେ ମିଶିଥିଲେ । ମହିଳା ମାଓବାଦୀଙ୍କ ଉପରେ ବରିଷ୍ଠ ମାଓବାଦୀଙ୍କ ବ୍ୟବହାରରେ ଅତିଷ୍ଠ ହୋଇ ସେ ମାଲକାନଗିରି ଏସପିଙ୍କ ନିକଟରେ ଆତ୍ମସମର୍ପଣ କରିଛନ୍ତି । ମାଲକାନଗିରି ଓ ଛତିଶଗଡ଼ ପୋଲିସରର ମିଳିତ ସର୍ଚ୍ଚ ଅପରେସନ ସମୟରେ ଧରା ପଡିଥିବା ଲଚ୍ଛି ଖରା ମୁକୁଟପାଲି ଅଞ୍ଚଳର ବୋଲି ଜଣାପଡିଛି । ମାଓବାଦୀଙ୍କ ଆଦର୍ଶକୁ ଦେଖି ଲଚ୍ଛି ମାଓବାଦୀଙ୍କ ସହିତ ମିଶିଥିଲା । କିନ୍ତୁ ସେମାନଙ୍କର ମହିଳାଙ୍କ ପ୍ରତି ଅସଦ ବ୍ୟବହାର ଦେଖି ପୋଲିସ ପାଖରେ ଆତ୍ମସମର୍ପଣ କରିଥିବା ପୋଲିସ ପକ୍ଷରୁ ସୂଚନା ମିଳିଛି ।
