![](https://i0.wp.com/badakhabar.in/wp-content/uploads/2020/11/Pratap.jpg?fit=750%2C400&ssl=1)
ବାଲେଶ୍ୱର, (ବଡ଼ ଖବର ବ୍ୟୁରୋ): କେନ୍ଦ୍ରମନ୍ତ୍ରୀଙ୍କ ନାଁରେ ଏତାଲା। ନିର୍ବାଚନ ଆଚରଣବିଧି ଉଲ୍ଲଂଘନ ଅଭିଯୋଗରେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀଙ୍କ ନାଁରେ ଥାନାରେ ହୋଇଛି ଏତଲା। ଗତ ୩ ତାରିଖ ବାଲେଶ୍ୱର ଉପନିର୍ବାଚନ ଦିନ ଭୋଟରଙ୍କ ପାଖକୁ ଯାଇ କେନ୍ଦ୍ରମନ୍ତ୍ରୀ ଷଡ଼ଙ୍ଗୀ ନିର୍ବାଚନ ଆଚରଣବିଧି ଉଲ୍ଲଂଘନ କରିବା ସହ ଭୋଟରଙ୍କୁ ପ୍ରଭାବିତ କରିବାକୁ ଚେଷ୍ଟା କରୁଥିବା ଅଭିଯୋଗ ଆଣି ତାଙ୍କ ନାମରେ ଏତଲା ଦାୟର ହୋଇଥିବା ଜଣାପଡ଼ିଛି।
ସୂଚନା ଅନୁଯାୟୀ, ସଦର ବ୍ଲକ ଓଡ଼ଙ୍ଗି ପଞ୍ଚାୟତର ବୁଥ ନଂ ୬୮ ଓ ୬୮ (ଏ)ରେ ଭୋଟ ଚାଲିଥିବା ବେଳେ ମନ୍ତ୍ରୀ ଷଡ଼ଙ୍ଗୀ ଉକ୍ତ ପଞ୍ଚାୟତରେ ପହଞ୍ଚି ଲୋକଙ୍କୁ ପ୍ରଭାବିତ କରିବାକୁ ଚେଷ୍ଟା କରିଥିବା ଏତଲାରେ ଦର୍ଶାଯାଇଛି। ଏନେଇ ସଦର ଥାନାରେ ଓଡ଼ଙ୍ଗି ପଞ୍ଚାୟତର ପାର୍ଥସାରଥି ଦାସ ନାମକ ଜଣେ ଯୁବକ ଅଭିଯୋଗ କରିଥିବା ବାଲେଶ୍ୱର ବିଜେଡି କର୍ମମର୍ତ୍ତାଙ୍କ ପକ୍ଷରୁ ସୂଚନା ଦିଆଯାଇଛି। ତେବେ ଏନେଇ ମନ୍ତ୍ରୀ ଷଡ଼ଙ୍ଗୀଙ୍କ ପ୍ରତିକ୍ରିୟା ମିଳିପାରି ନାହିଁ।