ଭିଡିଓ କନଫରେନ୍ସିଂ ମାଧ୍ୟମରେ ଉପସ୍ଥିତ ରହିବ ଗୋପାଳ

ଭୁବନେଶ୍ୱର (ବଡ଼ ଖବର ବ୍ୟୁରୋ):  ବହୁ ଚର୍ଚ୍ଚିତ ନବଦାସ ହତ୍ୟାକାଣ୍ଡ ମାମଲା । ଆଜି ଏଡିଜେ କୋର୍ଟରେ ହେବ ଶୁଣାଣି । ଚୌଦ୍ୱାର ଜେଲରୁ ଭିଡିଓ କନଫରେନ୍ସିଂ ମାଧ୍ୟମରେ ଉପସ୍ଥିତ ରହିବ ଗୋପାଳ । ଗୋପାଳଙ୍କ ଓକିଲଙ୍କ ଦ୍ୱାରା ଗତ ୯ତାରିଖରେ ଦାଖଲ କରାଯାଇଥିବା ଡିସଚାର୍ଜ ପିଟିସନର ଶୁଣାଣି ହେବ । ଜାନୁଆରୀ ୨୯ରେ ବ୍ରଜରାଜନଗର ଗାନ୍ଧି ଛକ ନିକଟରେ ଏକ ଦଳୀୟ କାର୍ଯ୍ୟକ୍ରମରେ ଯୋଗ ଦେବାକୁ ଯିବା ବେଳେ ନବ ଦାସଙ୍କୁ ଗୋପାଳ ଗୁଳି କରି ହତ୍ୟା କରିଥିବାର ଅଭିଯୋଗ ରହିଛି ।

ନବ ଦାସଙ୍କୁ ଗୁଳି କରିବା ପରେ ପୋଲିସ ଗୋପାଳକୁ ଗିରଫ କରିଥିଲା । ପରେ ଏହି ମାମଲାର ତଦନ୍ତ ଦାୟିତ୍ୱ ରାଜ୍ୟ ସରକାର କ୍ରାଇମବ୍ରାଂଚକୁ ହସ୍ତାନ୍ତର କରିଥିଲେ । ହତ୍ୟା କାଣ୍ଡକୁ ନେଇ ମେ ୨୬ରେ କ୍ରାଇମବ୍ରାଂଚ ଦାଖଲ କରିଥିଲା ଚାର୍ଜସିଟ୍ ।