ଭାସୁଛି ସ୍ୱାସ୍ଥ୍ୟକେନ୍ଦ୍ର

ଜଲେଶ୍ୱର(ବଡ଼ ଖବର ବୁ୍ୟରୋ): ଲଗାଣ ବର୍ଷାରେ ଉବୁଡୁବୁ ଜଳେଶ୍ଵର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର। ଆଉଟଡୋର ପାଖରୁ ଆରମ୍ଭ କରି ସବୁ ଆଡ଼େ ପଶିଛି ବର୍ଷା ପାଣି । ଫଳରେ ମେଡ଼ିକାଲରେ ବିଷମ ସ୍ଥିତି ଉପୁଜିଛି। ଆଉଟଡୋରକୁ ଦେଖାଇବା ପାଇଁ ଆସୁଥିବା ରୋଗୀ ମାନେ ବହୁ ହନ୍ତସନ୍ତ ହେଉଛନ୍ତି। ଷ୍ଟାପମାନେ ବି ନିରୁପାୟ ହେଇଥିବାର ଦେଖିବାକୁ ମିଳିଛି। ମେଡ଼ିକାଲ ସାମ୍ନାରେ ବି ଦୁଇ ଫୁଟର ପାଣି ଜମି ରହିଛି ।

ସମସ୍ତ ବିଭାଗରେ ବର୍ଷା ପାଣି ପଶିଛି । ଡାକ୍ତରଖାନାରେ ଚିକିତ୍ସିତ ହେଉଥିବା ସମସ୍ତ ରୋଗୀଙ୍କୁ ଉପରେ ମହଲା ଏବଂ ଡାକ୍ତରଖାନା ପରିସରରେ ଥିବା ଅନ୍ୟ ଏକ ବିଲ୍ଡିଙ୍ଗକୁ ସ୍ଥାନାନ୍ତରିତ କରାଯାଇଛି। ଡାକ୍ତରଖାନା ସମ୍ମୁଖରେ ଥିବା ଡ୍ରେନ ପରିଷ୍କାର ନଥିବାରୁ ବର୍ଷା ଜଳ ନିଷ୍କାସନ ହୋଇ ନପାରି ଡାକ୍ତରଖାନା ପରିସରରେ ପାଣି ପଶିଛି ଯାହା ଫଳରେ ରୋଗୀ ମାନଙ୍କୁ ହନ୍ତସନ୍ତ ହେବାକୁ ପଡ଼ିଛି। ପାଣି ନିଷ୍କାସନ ପାଇଁ ମ୍ୟୁନିସିପାଲଟି ପକ୍ଷରୁ କାମ ଆରମ୍ଭ କରାଯାଇଛି।