ଅନ୍ନଦାନ ମହାପୁଣ୍ୟ

ପିପିଲି(ବଡ଼ ଖବର ବ୍ୟୁରୋ): ପୁରୀଜିଲ୍ଲା ଡେଲାଙ୍ଗ ଅନ୍ତର୍ଗତ ଆଭା ଜରାଶ୍ରମରେ ଅନ୍ତେବାସୀଙ୍କୁ ସେଣ୍ଟର ଫର ଆକ୍ସନ ସ୍ୱେଚ୍ଛାସେବୀ ଅନୁଷ୍ଠାନ ତରଫରୁ ରନ୍ଧା ଖାଦ୍ୟ ବଣ୍ଟନ କରାଯାଇଥିଲା । ଆଭାର ଅନ୍ତେବାସୀଙ୍କ ମଧ୍ୟରେ ବୃଦ୍ଧା, କୁଷ୍ଠରୋଗୀ, ଭିକାରି ଏବଂ ବହୁ ନିରାଶ୍ରୟଃ ଲୋକ ରହୁଛନ୍ତି । ଏହି ଅନ୍ନଦାନ କାର୍ୟ୍ୟକ୍ରମରେ ପୁରୀଜିଲ୍ଲା କଂଗ୍ରେସ ସଭାପତି ଅଜିତ ମଙ୍ଗରାଜ, ବରିଷ୍ଠ ଶ୍ରୀମନ୍ଦିର ସେବାୟତ ବିନାୟକ ଦାସମହାପାତ୍ର ଏବଂ ସେଣ୍ଟର ଫର ଆକ୍ସନ ସଂଗଠନର ସଦସ୍ୟମାନେ ଯୋଗ ଦେଇଥିଲେ । ମଙ୍ଗରାଜ ଏବଂ ଦାସମହାପାତ୍ର ଅନ୍ତେବାସୀଙ୍କୁ ନିଜ ହାତରେ ଖାଦ୍ୟ ପରସୁଥିଲେ । ପ୍ରାୟ ୨୫୦ ଜଣଙ୍କୁ ଖାଦ୍ୟ ବଣ୍ଟନ କରାଯାଇଥିଲା ।