ପୂର୍ବତନ ବିଜେଡି ବ୍ଲକ ସଭାପତି ଗିରଫ

ବାରିପଦା (ବଡ଼ ଖବର ବ୍ୟୁରୋ): ବିନା ସରକାରୀ ସ୍ୱୀକୃତି ନଥାଇ ଏକ କୋଟି ୧୯ ଲକ୍ଷ ଟଙ୍କା ବିଭିନ୍ନ ଆକାଉଣ୍ଟକୁ ଦେବା ଘଟଣାରେ ପୁଣି ଜଣେ ବ୍ୟକ୍ତିଙ୍କୁ ଗିରଫ କରିଛି ଭିଜିଲାନ୍ସ ବିଭାଗ। ବାରିପଦା ଭିଜିଲାନ୍ସ ବିଭାଗ ଆଜି ପୂର୍ବତନ ଶୁଳିଆପଦା ବ୍ଲକ ସଭାପତି ଙ୍କୁ ଗିରଫ କରିଛି। ଗିରଫ ବ୍ୟକ୍ତି ଜଣକ ହେଲେ ଦିବ୍ୟଲୋଚନ ଦାଶ । ତାଙ୍କ ସହ ଜଣେ ଠିକା କମଚାରୀ ମୋନଜ ଦେଓଙ୍କୁ ମଧ୍ୟ ଗିରଫ କରିଛି । ମୟୂରଭଞ୍ଜ ଜିଲ୍ଲା ଶୁଳିଆପଦା ବ୍ଲକରେ କୋଭିଡ ସମୟରେ ଅମବାଡସି ଟଙ୍କାରୁ ଏକ କୋଟି ୧୯ ଲକ୍ଷ ଟଙ୍କା ବିଭିନ୍ନ ବ୍ୟକ୍ତିଙ୍କ ଆକାଉଣ୍ଟକୁ ଟ୍ରାନଫର ହୋଇଥିଲା ।

ସରକାରୀ ଅର୍ଥ ବେଆଇନ ଭାବେ ଦିଆ ଯାଇଥିବା ନେଇ ଗତ ମାସ ଭିଜିଲାନ୍ସ ଏକ ମାମଲା ରୁଜୁ କରିଥିଲା । ଯେଉଁଥିରେ ଶୁଳିଆପଦା ବ୍ଲକର ତତକାଳୀନ ବିଡିଓ ପରିକ୍ଷିତ ଜେନା ଏବଂ ତାଙ୍କ ସହିତ ଜଣେ ଆକାଉଣ୍ଟଟାଣ୍ଟ ଏବଂ ବ୍ୟବସାୟୀ ଗିରଫ ହୋଇ ବିଚାର ବିଭାଗୀୟ ହାଜତକୁ ଯାଇଛନ୍ତି। ସେହି ଘଟଣାରେ ମୋଟ ଆଠ ଜଣଙ୍କ ନାମରେ ଭିଜିଲାନ୍ସ ମାମଲା ରୁଜୁ କରିଥିବା ବେଳେ କିଛି ଜଣ ଫେରାର ରହିଛନ୍ତି। ଭିଜିଲାନ୍ସ ଦିବ୍ୟଲୋଚନ ଦାଶଙ୍କୁ ଆଜି ଗିରଫ କରିଥିବା ଜଣାପଡ଼ିଛି।