ପୂର୍ବତନ ମୁଖ୍ୟମନ୍ତ୍ରୀ ନବକୃଷ୍ଣ ଚୌଧୁରୀଙ୍କ ପ୍ରତି ଅବହେଳା ହୋଇଛି: ସୌମ୍ୟରଞ୍ଜନ ପଟ୍ଟନାୟକ
ଭୁବନେଶ୍ୱରେ(ବଡ଼ ଖବର ବ୍ୟୁରୋ): ଗୃହରେ ପୂର୍ବତନ ମୁଖ୍ୟମନ୍ତ୍ରୀ ନବକୃଷ୍ଣ ଚୌଧୁରୀଙ୍କ ପ୍ରତି ହେଉଥିବା ଅବହେଳା ପ୍ରସଙ୍ଗ ଉଠାଇ ସରକାର ଦୃଷ୍ଟି ଦେବାକୁ ବିଧାନସଭାରେ ଦାବି କଲେ ଖଣ୍ଡପଡ଼ା ବିଧାୟକ ଲେ ସୌମ୍ୟରଞ୍ଜନ ପଟ୍ଟନାୟକ । ଆମେ କାହାକୁ ନେଇ ଗର୍ବ କରିବା ? ଐତିହ୍ୟ ପରମ୍ପରାକୁ ନେଇ ଗର୍ବ କରିବା । ଏଠି ମୁଁ କାହାକୁ ଛୋଟ ବଡ଼ କହିବ ଚାହୁଁ ନାହିଁ । ଗୃହରେ ମୋ ସହ ସମସ୍ତେ ସହମତ ହେବେ । ନବକୃଷ୍ଣ ଚୌଧୁରୀ ଏବଂ ମାଳତୀ ଚୌଦରୀଙ୍କ ଘରର ଫୋଟୋ ଦେଖାଇ ସୌମ୍ୟରଂଜନ ପ୍ରଶ୍ନ କଲେ ତାଙ୍କ ବାସଭବନ ଏବେ କିଭଳି ପରିସ୍ଥିତିରେ ଅଛି?
ପୂର୍ବ ପୁରୁଷଙ୍କ ସ୍ମୃତିକୁ ଉଜ୍ଜୀବିତ ରଖିବା ପାଇଁ ସରକାରଙ୍କ ପଦକ୍ଷେପ ସ୍ୱାଗତଯୋଗ୍ୟ । ତେବେ ନବକୃଷ୍ଣ ଚୌଧୁରୀଙ୍କ କ୍ଷେତ୍ରରେ କାହିଁକି ପଦକ୍ଷେପ ନିଆ ଯାଇନାହିଁ । ବିଦେଶୀ ପର୍ୟ୍ୟଟକ ସେହି ବାଟ ଦେଇଯାଉଥିଲେ ବି ନିଜକୁ ସଂକୁଚିତ ଲାଗୁଛି ଯେ ପୂର୍ବତନ ମୁଖ୍ୟମନ୍ତ୍ରୀଙ୍କ ଘର ଦେଖାଇବାକୁ । ପୂର୍ବତନ ମୁଖ୍ୟମନ୍ତ୍ରୀଙ୍କୁ ଆବାସ ଯୋଗାଇ ଦେବା କ’ଣ ଆମର ଦାୟିତ୍ୱ ନୁହେଁ ? ଏମିତି ସମ୍ମାନ ଦେବା ଯେ ଯାହା ଲୋକେ ଜାଣିବେ । ଏ ଦିଗରେ ସରକାର ଦୃଷ୍ଟି ଦେବାକୁ ସୋମ୍ୟରଞ୍ଜନ ପଟ୍ଟନାୟକ ଦାବି କରିଛନ୍ତି ।