ଭୁବନେଶ୍ୱର(ବଡ଼ ଖବର ବ୍ୟୁରୋ); ରାଷ୍ଟ୍ରପତି ଭବନରେ ଆୟୋଜିତ ବିଶ୍ୱନେତାଙ୍କ ନୈଶ୍ୟ ଭୋଜିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟଙ୍କ ଅନୁପସ୍ଥିତିକୁ ନେଇ ରାଜ୍ୟରେ ଲାଗିରହିଛି ହଟଚମଟ । ବିରୋଧୀ ବିଜେପି ମୁଖ୍ୟମନ୍ତ୍ରୀଙ୍କୁ ଟାର୍ଗେଟ କରିଥିବା ବେଳେ ଉତ୍ତର ରଖିଛି ବିଜେଡି । ଜି-୨୦ ନେତାମାନଙ୍କ ପାଇଁ ରାଷ୍ଟ୍ରପତି ଭବନରେ ଆୟୋଜିତ ହୋଇଥିଲା ନୈଶ୍ୟ ଭୋଜି । ଦେଶର ବହୁ ମାନ୍ୟଗଣ୍ୟ ବ୍ୟକ୍ତି ଏଥରେ ଯୋଗଦେଇଥିଲେ । ମାତ୍ର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅନୁପସ୍ଥିତିକୁ ସହଜରେ ଗ୍ରହଣ କରିପାରିନି ବିଜେପି । ବିରୋଧୀ ଦଳ ନେତା ଜୟ ନାରାୟଣ କହିଛନ୍ତି ନବୀନ ବାବୁଙ୍କ ମନରେ ଇନଫିଅରିଟ କମ୍ପ୍ଲେକ୍ସ ଅଛି । ଏହି କାରଣରୁ ସେ ଯାଇ ନାହାନ୍ତି ।
ଜି-୨୦ ସମ୍ମିଳନୀରେ ଓଡ଼ିଶାର ଅସ୍ମିତାକୁ ଅଗ୍ରାଧିକାର ମିଳିବା ପରେ ବି ରାଜ୍ୟ ସରକାରଙ୍କ ପକ୍ଷରୁ ଧନ୍ୟବାଦ ନଦିଆଯିବାକୁ କଟାକ୍ଷ କରିଛନ୍ତି ଜୟ ନାରାୟଣବିରୋଧୀଙ୍କ ଅଭିଯୋଗ ପରେ ମୁଖ୍ୟମନ୍ତ୍ରୀ ସୋସିଆଲ ମିଡିଆରେ ଏକ ଭିଡିଓ ଅପଲୋଡ କରିଛନ୍ତି । ତେଣେ ସାଂସଦ ଅମର ପଟ୍ଟନାୟକ ମୁହଁ ଖୋଲିଛନ୍ତିି ।ଅମର ପଟ୍ଟନାୟକ କହିଛନ୍ତି ଜି-୨୦ ସମ୍ମିଳନୀରେ ଅନେକ ରାଜ୍ୟର କଳା, ସଂସ୍କୃତି ସ୍ଥାନ ପାଇଛି । ଓଡ଼ିଶା ମଧ୍ୟ ସେଥିରେ ଅଛି । ଏହା ଆମ ପାଇଁ ଗର୍ବର କଥା । ମାତ୍ର ଏହାକୁ ନେଇ ରାଜନୀତି କରିବା ଅନୁଚିତ ।ନୂଆଦିଲ୍ଲୀରେ ଆୟୋଜିତ ଜି-୨୦ ସମ୍ମିଳନୀରେ ଓଡ଼ିଶାର କଳା, ସ୍ଥାପତ୍ୟ ସ୍ଥାନ ପାଇଥିଲେ ମଧ୍ୟ ଭଉଣୀ ତଥା ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ନିମନ୍ତ୍ରଣକୁ ଭାଇ ନବୀନ ଗ୍ରହଣ କରିଥିଲେ ମଧ୍ୟ ଅନୁପସ୍ଥିତ ରହିବାକୁ ନେଇ ଚର୍ଚ୍ଚା ଜୋର ଧରିଛି ।
