ଫାଟିଲା ଗ୍ୟାସ ଟାଙ୍କି, ଜଳିଗଲା ଲକ୍ଷାଧିକ ଟଙ୍କାର ଯନ୍ତ୍ରାଂଶ

କେନ୍ଦ୍ରାପଡ଼ା (ବଡ଼ ଖବର ବ୍ୟୁରୋ): ଫାଟିଲା ଗ୍ୟାସ ଟାଙ୍କି ଜଳିଗଲା ଲକ୍ଷାଧିକ ଟଙ୍କାର ଯନ୍ତ୍ରାଂଶ । ଅଳ୍ପକେ ବର୍ତିଲେ ଶ୍ରମିକ । ଏଭଳି ଘଟଣା ଘଟିଛି କେନ୍ଦ୍ରାପଡ଼ା ରାଜକନିକା ଥାନା ଅନ୍ତର୍ଗତ ବରାଡିଆ ଗ୍ରାମରେ । ସେଠାରେ କାମ କରୁଥିବା ଶ୍ରମିକଙ୍କ ଟେଣ୍ଟରେ ଥିବା ଗ୍ୟାସ ଟାଙ୍କିରେ ନିଆଁ ଲାଗିଯାଇଥିଲା । ଯାହାଫଳରେ ଗ୍ୟାସ ଟାଙ୍କିଟି ଫାଟିଯାଇ ଭୟାଵହ ଅଗ୍ନିକାଣ୍ଡ ଘଟି ଟେଣ୍ଟ ଭିତରେ ଥିବା ଲକ୍ଷାଧିକ ଟଙ୍କାର ଯନ୍ତ୍ରାଂଶ ଜଳି ଯାଇଛି। ଏହି ଅଗ୍ନିକାଣ୍ଡ ଘଟିବା ସମୟରେ ଟେଣ୍ଟ ଭିତରେ କୌଣସି ଶ୍ରମିକ ନଥିବାରୁ ଅଳ୍ପକେ ସେମାନଙ୍କର ଜୀବନ ବଞ୍ଚି ଯାଇଛି । ତେବେ ଅଗ୍ନିକାଣ୍ଡର କାରଣ ଜଣାପଡି ନଥିବା ବେଳେ ରାଜକନିକା ଦମକଳ ବାହିନୀ ଘଟଣା ସ୍ଥଳରେ ପହଁଚି ନିଆଁକୁ ଆୟତ କରିଛି।