ମହାନତା ଦେଖାଇଲା ‘ବଡ଼ ଖବର’

ସେମିଳିଗୁଡ଼ା (ବଡ଼ ଖବର ବ୍ୟୁରୋ): ଲୋକଙ୍କ ଚ୍ୟାନେଲ ‘ବଡ଼ ଖବର’ କେବଳ ଖବର ସଂଗ୍ରହ କରେ ନାହିଁ, ସାମାଜିକ ପ୍ରତିବଦ୍ଧତାକୁ ମଧ୍ୟ ଅଧିକ ଗୁରୁତ୍ୱ ଦେଇଥାଏ । ଏହି ୨୪ଘଣ୍ଟିଆ ସ୍ୟାଟେଲାଇଟ୍ ନ୍ୟୁଜ ଚ୍ୟାନେଲର ପ୍ରତିଟି ସଦସ୍ୟ ଲୋକଙ୍କ ସୁଖ ଦୁଃଖରେ ସାମିଲ୍ ହୋଇଥାନ୍ତି । ଏହାର ଏକ ନିଚ୍ଛକ ଉଦାହରଣ ଦେଖିବାକୁ ମିଳିଛି କୋରାପୁଟ ଜିଲ୍ଲା ଲକ୍ଷ୍ମୀପୁର ବ୍ଲକ ସଦର ମହକୁମାଠାରୁ ମାତ୍ର ୭କିଲୋମିଟର ଦୂର କୁତ୍କାଝୋଲା ଗ୍ରାମରେ ।
କୁତ୍କାଝୋଲା ଗାଁର ସଭାନାଙ୍କ ସ୍ତ୍ରୀ ଜାନକୀ ୱଡେକା ଗର୍ଭ ଯନ୍ତ୍ରଣାରେ ଛଟପଟ ହେଉଥିବାରୁ ୧୦୮ ଓ ୧୦୨ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ ପରିବାର ଲୋକେ । କିନ୍ତୁ ସ୍ୱାଧୀନତାର ୭୩ ବର୍ଷ ବିତି ଯାଇଥିଲେ ମଧ୍ୟ ଆଜି ପର୍ଯ୍ୟନ୍ତ ଏହି ଗାଁକୁ ରାସ୍ତା ନିର୍ମାଣ ହୋଇନାହିଁ । ରାସ୍ତା ନ ଥିବାରୁ ୧୦୮ ଆମ୍ବୁଲାନ୍ସ ଲକ୍ଷ୍ମୀପୁରଠାରୁ ନାରାୟଣପାଟଣା ରାସ୍ତା କଡ଼ରେ ଥିବା ନାଲାଚୁଆ ଠାରେ ଛିଡ଼ା ହୋଇଥିଲା । ଲକ୍ଷ୍ମୀପୁରରୁ ଯାଇଥିବା ‘ବଡ଼ ଖବର’ ସାମ୍ବାଦିକ ସଞ୍ଜୟ କୁମାର ପାଣି କାନ୍ଧରେ କାନ୍ଧ ମିଶାଇ ପାହାଡ଼ିଆ ପାଦଚଲା ରାସ୍ତାରେ ଯନ୍ତ୍ରଣାରେ ଛଟପଟ ହେଉଥିବା ଗର୍ଭବତୀ ଜାନକୀଙ୍କୁ ଷ୍ଟ୍ରେଚରରେ ବୋହି ଆଣିଥିଲେ। ଜାନକୀଙ୍କୁ ବର୍ତ୍ତମାନ ଲକ୍ଷ୍ମୀପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି।