ଓଡ଼ିଶାରେ ସରକାର ବଦଳିବ..ବିଜେପି ସରକାର ଗଢ଼ିବ: ଗିରିରାଜ ସିଂ

ସମ୍ବଲପୁର(ବଡ଼ ଖବର ବ୍ୟୁରୋ): ବିଜେପି ଫୋକସ ଓଡ଼ିଶା । ନିର୍ବାଚନକୁ ନେଇ ନିଜର ପ୍ରଚାରକୁ ଜୋରଦାର କରିଛି ବିଜେପି । ଆଜି ସମ୍ବଲପୁର ଆସିଛନ୍ତି କେନ୍ଦ୍ରମନ୍ତ୍ରୀ ଗିରିରାଜ ସିଂ । ପ୍ରଚାର ବେଳେ ବିଜେଡି ସରକାର ଉପରେ ବର୍ଷିଲେ ଗିରିରାଜ ସିଂ । ଓଡ଼ିଶାରେ ସରକାର ବଦଳିବ, ବିଜେପି ସରକାର ଗଢ଼ିବ । ନବୀନ ବାବୁଙ୍କୁ ୭୭ ହେଲାଣି, ଓଡ଼ିଆ ଅସ୍ମିତା ଶେଷ କରିଛନ୍ତି । ଏହି ନିର୍ବାଚନରେ ପାଣ୍ଡିଆନଙ୍କୁ ମୁଖ୍ୟମନ୍ତ୍ରୀ କରିବେ ନବୀନ । ଓଡ଼ିଶାବାସୀ ବିରୋଧ କରିବା କଥା, ଓଡ଼ିଆ ପୁଅ ମୁଖ୍ୟମନ୍ତ୍ରୀ ହେଉ । ବିଜେପି ସରକାର ହେବ, ଅଧିକାରୀଙ୍କ ଉପରେ କାର୍ଯ୍ୟାନୁଷ୍ଠାନ ବି ହେବ । ଓଡ଼ିଶାରେ ଶାସନ ହିଁ ନାହିଁ, ନବୀନ ବାବୁ ନଜର ବନ୍ଦୀ ରହିଛନ୍ତି । ଓଡ଼ିଆ ଅସ୍ମିତାକୁ ବଞ୍ଚାଇବା ପାଇଁ ନୂତନ ସରକାର ଗଢ଼ିବୁ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଗିରିରାଜ ସିଂ ।