ଚୌଦ୍ବାର ଜେଲରେ ଗୋପାଳ
ଭୁବନେଶ୍ବର(ବଡ଼ ଖବର ବ୍ୟୁରୋ):ବଦଳିଛି ସ୍ବାସ୍ଥ୍ୟ ମନ୍ତ୍ରୀ ନବ ଦାସଙ୍କ ହତ୍ୟା ଅଭିଯୁକ୍ତ ଗୋପାଳ ଦାସର ଠିକଣା । ମଙ୍ଗଳବାର ରାତିରେ ଚୌଦ୍ୱାର ଜେଲକୁ ସ୍ଥାନାନ୍ତର ହୋଇଛି ଗପାଳ । ସୁରକ୍ଷା ଦୃଷ୍ଟିରୁ ଗୋପାଳକୁ ଝାରସୁଗୁଡା ଜେଲରୁ ଚୌଦ୍ୱାର ଜେଲ୍ ସ୍ଥାନାନ୍ତର କରାଯାଇଛି । କ୍ରାଇମବ୍ରାଞ୍ଚର ସ୍ପେସିଆଲ ଟିମ ସନ୍ଧ୍ୟା ୮.୨୦ମିନିଟ ସମୟରେ ଏକ ଟ୍ରାଭେଲର ଗାଡିରେ ୨୦ରୁ ଉର୍ଦ୍ଧ ପୋଲିସଙ୍କ ସୁରକ୍ଷା ବଳୟରେ ପହଁଚିଥିଲା ଚୌଦ୍ୱାର ଜେଲ । ପୋଲିସ ତାର କଡନ ମଧ୍ୟରେ ଗୋପାଳକୁ ଜେଲର ମୁଖ୍ୟ ଫାଟକ ମଧ୍ୟକୁ ପ୍ରବେଶ କରାଇଥିଲା । ତେବେ ଜେଲରେ ପଶି ସର୍ବପ୍ରଥମେ ସେ ଜେଲର ଚଟାଣକୁ ଆଣ୍ଠେଇ ପ୍ରଣାମ କରିଥିଲା ।
ପରେ ଗୋପାଳର ସ୍ୱାସ୍ଥ୍ୟ ପରୀକ୍ଷା କରାଯାଇ ୩ନମ୍ବର ସେଲରେ ରଖାଯାଇଛି । ଚୌଦ୍ୱାର ଜେଲ୍ରେ ଗୋପାଳଙ୍କୁ ୨୪ ଘଣ୍ଟିଆ ପହରା ମଧ୍ୟରେ ରଖାଯିବ । ଏଥିସହ ଅଭିଯୁକ୍ତ ଗୋପାଳ ସୁରକ୍ଷା ପାଇଁ ସୁପରିଟେଣ୍ଡେଣ୍ଟଙ୍କ ଅଧ୍ୟକ୍ଷତାରେ ଏକ କମିଟି ଗଠନ କରାଯାଇ ସୂଚନା ଦେଇଛି ଜେଲ ବିଭାଗ ।
