ଫେସ୍ବୁକ୍ ଉପରେ ଅଭିଯୋଗ ଆଣିଲେ କେନ୍ଦ୍ର ସରକାର
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଫେସ୍ବୁକ୍ ଉପରେ ଅଭିଯୋଗ ଆଣିଲେ କେନ୍ଦ୍ର ସରକାର । କମ୍ପାନୀର ଆଲଗରିଦିମ ଓ ବିଭିନ୍ନ ପ୍ରକ୍ରିୟା ସମ୍ୱନ୍ଧୀୟ ସମସ୍ତ ତଥ୍ୟ ସରକାର ମାଗିଛନ୍ତି । ଏହାର ଅନ୍ତରୀଣ ଦସ୍ତାବିଜରୁ ଜଣାପଡ଼ିଛି ଫେସବୁକର ସବୁଠୁ ବେଶି ୟୁଜର୍ ଭାରତରେ। କମ୍ପାନୀ ୟୁଜରଙ୍କୁ ଭୁଲ୍ ସୂଚନା ଓ ହିଂସା ସୃଷ୍ଟି କରିବା ଭଳି ବର୍ତ୍ତା ପ୍ରସାର କରୁଛି । ଆମେରିକା ଗଣମାଧ୍ୟମ ଅନୁସାରେ, ସୋସିଆଲ୍ ମିଡିଆ ଅନୁସନ୍ଧାନକାରୀମାନେ କହିଛନ୍ତି ଭାରତରେ କିଛି ଗୋଷ୍ଠୀ ଏବଂ ଫେସ୍ବୁକ୍ ପେଜ୍ ରହିଛି ଯାହା ବିଭ୍ରାନ୍ତିକର, ଉତ୍ତେଜକ ତଥା ଜାତିଆଣ ବିରୋଧୀ ପୋଷ୍ଟ ପ୍ରସାର କରିବାରେ ମୁଖ୍ୟ ଭୂମିକା ଗ୍ରହଣ କରୁଛି । ତେଣୁ ଭାରତ ସରକାର କମ୍ପାନୀ ଦ୍ୱାରା ବ୍ୟବହୃତ ଆଲଗୋରିଦମ ଏବଂ ଏହାର ପ୍ରକ୍ରିୟା ବିଷୟରେ ସୂଚନା ମାଗିଛନ୍ତି।
ସରକାର ଫେସ୍ବୁକ୍ ବ୍ୟବହାରକାରୀଙ୍କ ସୁରକ୍ଷା ସମ୍ୱନ୍ଧୀୟ ନିଆଯାଇଥିବା ପଦକ୍ଷେପ ବିଷୟରେ ମଧ୍ୟ କମ୍ପାନୀକୁ ତଥ୍ୟ ଦେବାକୁ କହିଛନ୍ତି । ଏନେଇ ଫେସ୍ବୁକ୍ ପକ୍ଷରୁ କୌଣସି ପ୍ରତିକ୍ରିୟା ରଖାଯାଇନାହିଁ ।
