କାର୍ଯ୍ୟକାରୀ ହୋଇପାରୁ ନାହିଁ ସରକାରୀ ଯୋଜନା

ବାଲିଆପାଳ (ବଡ଼ ଖବର ବ୍ୟୁରୋ): ସରକାରଙ୍କ ଯୋଜନା ମାଳମାଳ, କିନ୍ତୁ କାର୍ଯ୍ୟକାରୀ ହୋଇପାରୁନାହିଁ । ସ୍ଥାନୀୟ ପ୍ରସାଶନ ଆଢ଼ୁଆଳରେ ଅସହାୟ ଅବସ୍ଥାରେ ରହିଛନ୍ତି ବୃଦ୍ଧା ମାଉସୀ ସାବିତ୍ରୀ ବେହେରା । ସରକାରୀ ସହାୟତା କହିଲେ ମାତ୍ର ପାଞ୍ଚ କିଲୋ ଚାଉଳ ଓ ଭତ୍ତା। ନା ଅଛି ସରକାରୀ ପକ୍କାଘର ନା ଶୁଦ୍ଧ ପାନୀୟ ଜଳ। ମାଉସୀଙ୍କର ନା ସ୍ୱାମୀ ଅଛନ୍ତି ନା ପିଲାମାନେ। ବଞ୍ଚିବା ପାଇଁ ଅହରହ କରୁଛନ୍ତି ସଂଗ୍ରାମ ।

ଲୋକମାନେ ଯାହା ଦିଅନ୍ତି ସେଥିରେ ସେ ଖାଇପିଇ ବଞ୍ଚିଛନ୍ତି। ଏ ଦୃଶ୍ୟ ହେଉଛି ବାଲିଆପାଳ ବ୍ଲକ ପଞ୍ଚୁପାଲି ପଞ୍ଚାୟତର କାଳସିମୁଳି ଗ୍ରାମର । ଜରିପାଲ ତଳେ ଜୀବନ ବିତାଉଥିବା ସାବିତ୍ରୀ ବେହେରା । ଅନ୍ନପୂର୍ଣ୍ଣା ଯୋଜନାରେ ୩୫ କିଲୋ ଚାଉଳ ପାଇବାର ଥିବାବେଳେ ମାତ୍ର ପାଉଛନ୍ତି ପାଞ୍ଚ କିଲୋ ଚାଉଳ । ତେବେ ସରକାର ତାଙ୍କୁ ପକ୍କାଘର ସହ ଶୁଦ୍ଧ ପାନୀୟ ଜଳ ୩୫ କିଲୋ ଚାଉଳ ଯୋଗାଇ ଦେବା ପାଇଁ ଅନୁରୋଧ କରିଛନ୍ତି ।