ବେଆଇନ ଗର୍ଭପାତ ପଡିଲା ମହଙ୍ଗା

ନୟାଗଡ (ବଡ଼ ଖବର ବ୍ୟୁରୋ): ବେଆଇନ ଗର୍ଭପାତ ପଡିଲା ମହଙ୍ଗା । ଏଭଳି ଘଟଣା ଦେଖିବାକୁ ମିଳିଛି ନୟାଗଡ଼ ଟାଉନ ଥାନା ନିକଟ ଆନନ୍ଦ ଭବନ କ୍ଲିନିକରେ । କିଛି ଦିନ ହେବ ବେଆଇନ ଗର୍ଭପାତ ହେଉଥିବା ଜିଲ୍ଲା ପ୍ରଶାସନକୁ ଖବର ମିଳିଥିଲା । ତେବେ ଆଜି ଟାଉନ ଥାନା ପୋଲିସ, ସ୍ପେଶାଲ ସ୍କ୍ୱାଡ ଓ ତହସିଲଦାର ମିଶି ଗର୍ଭପାତ ହେଉଥିବା କ୍ଲିନିକରେ ଚଢ଼ାଉ କରିଥିଲେ ।

ଚଢ଼ାଉ ସମୟରେ ଗର୍ଭପାତ କରିଥିବା ମହିଳା ନିଜର ଦୋଷ ସ୍ୱିକାର କରିଥିଲେ । ଏନେଇ ଟାଉନ ଥାନା ପୋଲିସ ପକ୍ଷରୁ କ୍ଲିନିକର ମାଲିକ ସତ୍ୟପ୍ରିୟ ସ୍ୱାଇଁ, ଗର୍ଭପାତ କରିଥିବା ମହିଳାର ସ୍ୱାମୀ ଗଣେଶ ପ୍ରଧାନ ଓ ସହଯୋଗୀ ୨ନର୍ସକୁ ଅଟକ ରଖି ପଚରା ଉଚରା କରୁଛି । ଏଥିପାଇଁ ନୟାଗଡ଼ ତହସିଲଦାର ଆଜି କ୍ଲିନିକକୁ ସିଜ କରିଛନ୍ତି ।