ବଞ୍ଚିଛନ୍ତି ସୋସିଆଲ ମିଡ଼ିଆରେ ମାରିଦେଲେ

ଭୁବନେଶ୍ବର(ବଡ଼ ଖବର ବ୍ୟୁରୋ): ଓଲିଉଡ ହାସ୍ୟ ଅଭିନେତା ଗୁଡ୍ଡୁଙ୍କୁ ନେଇ ସୋସିଆଲ ମିଡିଆରେ ଗୁଜବ । ଶୁକ୍ରବାର ଓଲିଉଡ ହାସ୍ୟ ଅଭିନେତା ଗୁଡ୍ଡୁଙ୍କ ମୃତ୍ୟୁ ଖବର ସୋସିଆଲ ମିଡିଆରେ ଭାଇରାଲ ହୋଇଥିଲା । ସମସ୍ତଙ୍କ ପ୍ରିୟ ଅଭିନେତା ଗୁଡ୍ଡୁଙ୍କ ମୃତ୍ୟୁ ଖବର ନିଆଁ ଭଳି ବ୍ୟାପି ଯାଇଥିଲା । ସୋସିଆଲ ମିଡିଆରେ ଭାଇରାଲ ହୋଇଥିବା ଖବରରେ ତାଙ୍କର ଏକ ଗାଡ଼ି ଦୁର୍ଘଟଣାରେ ମୃତ୍ୟୁ ହୋଇଥିବା ସୂଚନା ରହିଥିଲା । ତେବେ ଏଭଳି ଖବରରୁ ସହଜରେ ବିଶ୍ବାସ ନ କରି, ଏ ଖବର ପଛର ସତ୍ୟତା ଜାଣିବାକୁ ଚେଷ୍ଟା କରିଥିଲା “ବଡ଼ ଖବର” । ଆମ ପ୍ରତିନିଧି ଗୁଡ୍ଡୁଙ୍କ ସହ କଥା ହେବା ପରେ ଜଣା ପଡ଼ିଥିଲା ଏହି ଖବର ସମ୍ପୁର୍ଣ୍ଣ ଭାବେ ମିଥ୍ୟା ।

ଗୁଡ୍ଡୁଙ୍କର କୌଣସି ଦୁର୍ଘଟଣା ହୋଇନାହିଁ । ଏମିତି କି ମିଥ୍ୟା ଖବର ପ୍ରସାରଣକାରୀଙ୍କ ଉପରେ ଆଇନଗତ କାର୍ୟ୍ୟାନୁଷ୍ଠାନ ଗ୍ରହଣ କରିବେ ବୋଲି ବଡ଼ ଖବରକୁ କହିଛନ୍ତି ଅଭିନେତା ଗୁଡ୍ଡୁ । ସେ ଆଜି କ୍ୟାପିଟାଲ ଥାନାରେ ଲିଖିତ ଅଭିଯୋଗ କରିଥିବା ମଧ୍ୟ କହିଛନ୍ତି । ତେବେ ଗୁଡ୍ଡୁ ସମ୍ପୁର୍ଣ୍ଣ ସୁସ୍ଥ ଅଛନ୍ତି, ଏପରି ଖବରରୁ ବିଶ୍ବାସ ନ କରିବାକୁ ନିବେଦନ କରିଛନ୍ତି ହାସ୍ୟଅଭିନେତା । ମତେ ଏମିତି ଭଲପାଇବା ଦେଇଥିବାରୁ ଦର୍ଶକଙ୍କ ଆଗରେ ମୁଁ ଋଣି ବୋଲି କହିଛନ୍ତି ଅଭିନେତା ଗୁଡ୍ଡୁ ।