ଝରକା ଭାଙ୍ଗି ଲୁଟି ନେଲେ ଲକ୍ଷାଧିକ ଟଙ୍କା

ତିର୍ତ୍ତୋଲ (ବଡ଼ ଖବର ବ୍ୟୁରୋ): ଝରକା ଭାଙ୍ଗି ଲୁଟି ନେଲେ ଲକ୍ଷାଧିକ ଟଙ୍କା । ଏଭଳି ଘଟଣା ଦେଖିବାକୁ ମିଳିଛି ତିର୍ତ୍ତୋଲ ସରଣୀ ଛକ ନିକଟ ବାସଭବନରୁ । ଜଗତସିଂହପୁର ଜିଲ୍ଲା ତିର୍ତ୍ତୋଲ ବ୍ଲକର ପୁର୍ବତ୍ତନ ବ୍ଲକ ଅଧ୍ୟକ୍ଷ ଅଶୋକ କୁମାର କାନୁନଗୋଙ୍କ ଘରୁ ଝରକା ଭାଙ୍ଗି ଲକ୍ଷାଧିକ ଟଙ୍କା ଚୋରି କରିନେଇଛନ୍ତି ଦୁର୍ବୁତ୍ତ । ବିଳମ୍ବିତ ରାତିରେ ଚୋରି ହୋଇଥିବା ସୂଚନା ମିଳିଛି ।

ଝରକା ଗ୍ରୀଲ ତାଡି ଦୁଇଶହ ଗ୍ରାମରୁ ଅଧିକ ସୁନା, ନଗଦ ଲକ୍ଷେ ଟଙ୍କା ସମେତ କଳାକନା ବୁଲାଇନେଇଛନ୍ତି ଦୁର୍ବୁତ୍ତ। ଝରକା ଭାଙ୍ଗି ଘରଭିତରେ ପଶି ପଛପଟୁ କବାଟ କିଳି ଲୁଟିନେଇଛନ୍ତି ବୋଲି କାନୁନଗୋଙ୍କ ପୁଅ ସନ୍ତୋଷ କୁମାର କାନୁନଗୋ ଅଭିଯୋଗ କରିଛନ୍ତି। ତିର୍ତ୍ତୋଲ ଥାନା ପକ୍ଷରୁ ପ୍ରାରମ୍ଭିକ ତଦନ୍ତ ଆରମ୍ଭ ହୋଇଛି । ଅଧିକ ତଦନ୍ତ ସହ ଫରେନ୍ସିକ୍ ଟିମ ତଦନ୍ତ ପାଇଁ ଦାବି ମଧ୍ୟ କରାଯାଇଛି।