ଗୁଜରାଟ ରାଜ୍ୟସଭା ନିର୍ବାଚନ, କାଲି ନାମାଙ୍କନ ଦାଖଲ କରିବେ ଏସ.ଜୟଶଙ୍କର

କୋଲକାତା (ବଡ଼ ଖବର ବ୍ୟୁରୋ): ଗୁଜରାଟ ରାଜ୍ୟସଭା ଆସନରୁ ଲଢିବେ କେନ୍ଦ୍ର ବୈଦେଶିକ ବୟାପାର ମନ୍ତ୍ରୀ ଡ. ଏସ. ଜୟଶଙ୍କର । ଆସନ୍ତାକାଲି ନାମାଙ୍କନ ଦାଖଲ କରିବେ ଏସ.ଜୟଶଙ୍କର । ଜୁଲାଇ ମାସରେ ୧୦ଟି ରାଜ୍ୟସଭା ଆସନରେ ନିର୍ବାଚନ ଅନୁଷ୍ଠିତ ହେବ । ଏଥିରେ ଗୁଜରାଟର ୩ଟି ସିଟ ରହିଛି । ଏହି ଆସନ ମଧ୍ୟରୁ ଗୋଟିଏ ପାଇଁ ଜୟଶଙ୍କର ନାମାଙ୍କନ ଦାଖଲ କରିବେ। ତାଙ୍କର ରାଜ୍ୟସଭା କାର୍ଯ୍ୟକାଳ ଅଗଷ୍ଟରେ ଶେଷ ହେବ।

ଗୁଜୁରାଟ, ଗୋଆ ଏବଂ ପଶ୍ଚିମବଙ୍ଗରେ ମୋଟ ୧୦ଟି ରାଜ୍ୟସଭା ଆସନରେ ନିର୍ବାଚନ ଅନୁଷ୍ଠିତ ହେବ। ପଶ୍ଚିମବଙ୍ଗରେ ୬ଟି ରାଜ୍ୟସଭା ଆସନ, ଗୋଆରେ ୧ ଏବଂ ଗୁଜରାଟରେ ୩ଟି ଆସନ ପାଇଁ ର୍ନିବାଚନ ଅନୁଷ୍ଠିତ ହେବ। ରାଜ୍ୟସଭା ନିର୍ବାଚନରେ ହାଜର ହେବାକୁ ପ୍ରାର୍ଥୀମାନେ ଜୁଲାଇ ୧୩ ପର୍ଯ୍ୟନ୍ତ ନାମାଙ୍କନ ଦାଖଲ କରିପାରିବେ ଏବଂ ଯଦି କେହି ତାଙ୍କ ନାମ ପ୍ରତ୍ୟାହାର କରିବାକୁ ଚାହାଁନ୍ତି, ତେବେ ତାଙ୍କୁ ଜୁଲାଇ ୧୭ ପର୍ଯ୍ୟନ୍ତ ସମୟ ମିଳିବ। ଜୁଲାଇ ୬ରେ ନିର୍ବାଚନ ପାଇଁ ବିଜ୍ଞପ୍ତି ଜାରି କରାଯାଇଥିଲା। ଏହା ପରେ ଜୁଲାଇ ୨୪ରେ ଭୋଟ ଗ୍ରହଣ ହେବ ।