ଆରପାରିରେ ଗୁରୁପଦ

ସାଲେପୁର, (ବଡ଼ ଖବର ବ୍ୟୁରୋ): ଆଉ ନାହାନ୍ତି ପୂର୍ବତନ କଂଗ୍ରେସ ବିଧାୟକ ଗୁରୁପଦ ନନ୍ଦ । ମଙ୍ଗଳବାର ସକାଳେ ଜଗତପୁରସ୍ଥିତ ଏକ ଘରୋଇ ହସ୍ପିଟାଲରେ ତାଙ୍କର ଦେହାନ୍ତ ହୋଇଛି । ତାଙ୍କ ମୃତ୍ୟୁ ଖବର ପାଇବା ପରେ ସାଲେପୁର ଅଞ୍ଚଳରେ ଖେଳିଯାଇଛି ଶୋକର ଛାୟା ।

କଂଗ୍ରେସର ଜଣେ ଟାଣୁଆ ନେତାଥିଲେ ଗୁରୁପଦ । ସେ ୧୯୪୬ ଏପ୍ରିଲ ୮ତାରିଖରେ ସାଲେପୁର ନିକଟସ୍ଥ ବଳରାମପୁରରେ ଜନ୍ମ ହୋଇଥିଲେ । ପେସାରେ ସେ ଥିଲେ ଜଣେ ଆଇନଜୀବୀ । ୧୯୭୨ରେ ପ୍ରତ୍ୟକ୍ଷ ରାଜନୀତିରେ ଯୋଗଦେଇଥିଲେ ଗୁରୁପଦ । ୧୯୮୦ରେ କଂଗ୍ରେସ ଟିକେଟରେ ରାଉରକେଲାରୁ ବିଧାୟକ ଭାବେ ନିର୍ବାଚିତ ହୋଇଥିଲେ । କିଶନନଗର ନିର୍ବାଚନମଣ୍ଡଳୀରୁ କଂଗ୍ରେସ ଟିକେଟରେ ୨ଥର ନିର୍ବାଚନ ଲଢ଼ିଥିଲେ ମଧ୍ୟ ପରାଜିତ ହୋଇଥିଲେ ଗୁରୁପଦ ।

ତାଙ୍କର ଦୁଇପୁଅ ଓ ଗୋଟିଏ ଝିଅ ଅଛନ୍ତି । ଗୁରୁପଦଙ୍କ ବିୟୋଗରେ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ସମେତ ବହୁ ବିଶିଷ୍ଠ ବ୍ୟକ୍ତି ଗଭୀର ଶୋକ ପ୍ରକଟ କରିଛନ୍ତି ।