ହୃଦୟ ବିଦାରକ ହତ୍ୟା: ମା’କୁ ମାରିଲେ, ପୁଅର ମୁଣ୍ଡକୁ ପଥରରେ ଛେଚିଲେ

କେନ୍ଦ୍ରାପଡ଼ା (ବଡ଼ ଖବର ବ୍ୟୁରୋ): ଅଜଣା ମହିଳାଙ୍କୁ ହତ୍ୟା । କେନ୍ଦ୍ରାପଡ଼ା ଜିଲ୍ଲାର ଜମ୍ବୂ ସାମୁଦ୍ରିକ ଥାନା ଅନ୍ତର୍ଗତ ଜମ୍ବୂ ପଞ୍ଚାୟତର କଣ୍ଡରାପାଟିଆ ଗାଁ ଜମ୍ବୂଫୁଟା ଜୋର ନିକଟରେ ଶନିବାର ଭୋରରୁ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଜଣେ ବିବାହିତା ମହିଳାଙ୍କୁ କେହି ମାରିଦେଇ ଫିଙ୍ଗି ଦେଇଥିବା ବେଳେ ନିକଟରେ ଶିଶୁପୁତ୍ରର ମୁଣ୍ଡକୁ ପଥରରେ ଛେଚି ପିଙ୍ଗି ଦେଇଛି ।

ମୁମୂର୍ତ୍ସ ଅବସ୍ଥାରେ ସ୍ଥାନୀୟ ଲୋକେ ଶିଶୁକୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛନ୍ତି । ହତ୍ୟାକାଣ୍ଡ ସ୍ଥଳରେ ହ୍ୟାଣ୍ଡ ଗ୍ଲୋବସ, ମଦ ବୋତଲ, ମଙ୍ଗଳସୁତ୍ର ପଡିଛି । ମହିଳାଙ୍କ ବେକରେ ଗାମୁଛା ଗୁଡ଼ାହୋଇଛି । ବେକରୁ ରକ୍ତ ବହୁ ଥିବାର ଦେଖାଯାଇଛି । ଏହା ଏକ ସୁପରିକଳ୍ପିତ ହତ୍ୟାକାଣ୍ଡ ବୋଲି ପୋଲିସ କହିଛି ।