ହିମାଚଳରେ ବାଦଲ ଫଟା ବର୍ଷା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ବର୍ଷା ସହ ବରଫପାତ । ହିମାଚଳ ପ୍ରଦେଶରେ ଆଜି ବାଦଲଫଟା ବର୍ଷା ହେବାରୁ ସାଧାରଣ ଜୀବନଯାତ୍ରା ଠପ୍ ହୋଇଯାଇଛି । ସାଜୁଲି ଅଞ୍ଚଳରେ ଏକ ୫ମହଲା ଘର ଭୁଶୁଡି ପଡିଛି । ସେହିପରି ରାଜ୍ୟର ଅନେକ ଜିଲ୍ଲାରେ ବହୁ କ୍ଷୟକ୍ଷତି ହେବା ସହ ନଦୀରେ ବନ୍ୟା ଆସିଛି ।

ତେଣେ ଉତ୍ତରାଖଣ୍ଡରେ ବରଫପାତ ହେବାରୁ ଗୁରୁତର ସମସ୍ୟା ସୃଷ୍ଟି କରିଛି । ବରଫପାତ ଓ ବର୍ଷା ଯୋଗୁଁ ହିମାଚଳ ପ୍ରଦେଶ ଓ ଉତ୍ତରାଖଣ୍ଡରେ ତାପମାତ୍ର ବହୁ ତଳକୁ ଖସିଆସିଛି । ଉତ୍ତରାଖଣ୍ଡର ବଦ୍ରିନାଥ, ଘଙ୍ଗାରିଆ, ମାନୋ, ଚମେଲି ଜିଲ୍ଲାରେ ବରଫପାତ ହେବାରୁ ସାଧାରଣ ଜୀବନଯାତ୍ରା ଗୁରୁତର ପ୍ରଭାବିତ ହୋଇଛି ।