ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଚିନ୍ତା ବଢାଇବାରେ ଲାଗିଛି କରୋନା । ହୁ ହୁ ହୋଇ ମାଡ଼ିବାରେ ଲାଗିଛି ଆକ୍ରାନ୍ତଙ୍କ ସଂଖ୍ୟା । ୨୪ ଘଣ୍ଟାରେ ଦେଶରେ ୪୬ ହଜାର ୯୫୧ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଦେଶରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୧କୋଟି ୧୬ ଲକ୍ଷ ୪୬ ହଜାର ୮୧ରେ ପହଞ୍ଚିଛି । ସେହିପରି ଦିନକରେ ୨୧୨ ଜଣଙ୍କର ମୃତ୍ୟୁ ହୋଇଥିବାବେଳେ , ଦେଶରେ ମୋଟ କରୋନା ଜନିତ ମୃତ୍ୟୁ ସଂଖ୍ୟା ୧ ଲକ୍ଷ ୬୦ ହଜାରକୁ ବୃଦ୍ଧି ପାଇଛି ।
ଗତ ତିନିଦିନ ହେବ ଦେଶରେ ଲଗାତର ଭାବେ ହେଲା ୪୦ ହଜାରରୁ ଅଧିକ କରୋନା ଆକ୍ରାନ୍ତ ଚିହ୍ନଟ ହେଉଛନ୍ତି । ଯାହା ଏବେ ଦେଶବାସୀଙ୍କ ଚିନ୍ତା ବଢାଇଛି । ମହାରାଷ୍ଟ୍ରରେ ମଧ୍ୟ ଅଣାୟତ ହେବାରେ ଲାଗିଛି ସ୍ଥିତି । ରେକର୍ଡ କରିଛି ଦୈନିକ ସଂକ୍ରମଣ । ୨୪ଘଂଟାରେ ୩୦ହଜାର ୫୩୫ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ମହାରାଷ୍ଟ୍ରରେ ଗୋଟିଏ ଦିନରେ ଏହା ହେଉଛି ଅଧିକ ରୋଗୀ ଚିହ୍ନଟଙ୍କ ସଂଖ୍ୟା ।
ରବିବାର ଏହା ସର୍ବାଧିକ ନୂଆ ଆକ୍ରାନ୍ତ ଚିହ୍ନ ହୋଇଥିବା ବେଳେ ୯୯ଜଣଙ୍କ ମୃତ୍ୟୁ ହୋଇଛି । ବର୍ତମାନ ସୁଧା ମହାରାଷ୍ଟ୍ରରେ ୯ଲକ୍ଷ ୬୯ହଜାର ୮୬୭ଜଣ କ୍ୱାରେନଟାଇନରେ ଥିବା ବେଳେ ୯ହଜାର ୬୦୧ ଏବେବି ଚିକିତ୍ସିତ ଅଛନ୍ତି । ମୁମ୍ବାଇ ଓ ନାଗପୁରରେ କରୋନା ଆକ୍ରାନ୍ତଙ୍କ ସଂଖ୍ୟା ରାଜ୍ୟ ପାଇଁ ଅଧିକ ଚିନ୍ତା ବଢାଇଛି ।
