ହିଣ୍ଡେନବର୍ଗ ଟାର୍ଗେଟରେ ଟ୍ୱିଟର ପୂର୍ବତନ ମାଲିକ, ଜ୍ୟାକ ଡୋର୍ସିଙ୍କ ନାଁରେ ଆସିଲା ବଡ଼ ଠକେଇ ଅଭିଯୋଗ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ହିଣ୍ଡେନବର୍ଗ ଟାର୍ଗେଟରେ ଟ୍ୱିଟରର ପୂର୍ବତନ ମାଲିକ । ଜ୍ୟାକ ଡୋର୍ସିଙ୍କ କମ୍ପାନୀ ବ୍ଲକ ଆଇଏନସିକୁ ଟାର୍ଗେଟ କରିଛି ହିଣ୍ଡେନବର୍ଗ କମ୍ପାନୀ । ଜ୍ୟାକ ଡୋର୍ସିଙ୍କ ଏହି କମ୍ପାନୀ ଏକ ପେମେଣ୍ଟ କମ୍ପାନୀ । ହିଣ୍ଡେନବର୍ଗର ରିପୋର୍ଟ ପରେ ବ୍ଲକ କମ୍ପାନୀର ୧୮ ପ୍ରତିଶତ ସେୟାର ହ୍ରାସ ପାଇଛି । ନିଜ ରିପୋର୍ଟରେ ହିଣ୍ଡେନବର୍ଗ ଦାବି କରିଛି ଯେ ଜ୍ୟାକ୍ ଡୋର୍ସିଙ୍କ ନେତୃତ୍ୱାଧିନ ବ୍ଲକ ଆଇଏନସି ଭୁଲ ଉପାୟରେ ନିଜ ୟୁଜର୍ସଙ୍କ ସଂଖ୍ୟାକୁ ବଢାଇଛି । ଅନ୍ୟପଟେ ନିଜ ଗ୍ରାହକ ଅଧିଗ୍ରହଣ ଖର୍ଚ୍ଚକୁ ମଧ୍ୟ କମ କରିଛି । ଏହି ଖବର ପରେ ବ୍ଲକ ଆଇଏନସିର ସେୟାରରେ ମଧ୍ୟ ବଡ଼ ହ୍ରାସ ଘଟିଛି ।
NEW FROM US:
Block—How Inflated User Metrics and "Frictionless" Fraud Facilitation Enabled Insiders To Cash Out Over $1 Billionhttps://t.co/pScGE5QMnX $SQ
(1/n)
— Hindenburg Research (@HindenburgRes) March 23, 2023
ଆମେରିକୀୟ ବଜାରରେ ବଡ ଚର୍ଚ୍ଚାର ବିଷୟ ପାଲଟିଛି । କମ୍ପାନିର ସେୟାର ପ୍ରାୟ ୧୮ ପ୍ରତିଶତ ହ୍ରାସ ପାଇଛି । ସୋସିଆଲ ମିଡିଆ କମ୍ପାନି ଟ୍ୱିଟରର ସହ-ପ୍ରତିଷ୍ଠାତା ଜ୍ୟାକ୍ ଡୋର୍ସି ବ୍ଲକ୍ ଇଙ୍କକୁ ୨୦୦୯ ମସିହାରେ ପ୍ରତିଷ୍ଠା କରିଥିଲେ । କରୋନା ମହାମାରୀ ପରେ ବ୍ଲକ୍ ଆଇଏନସିର କ୍ୟାଶ୍ ଆପ୍ ପ୍ଲାଟଫର୍ମ ଏକ ବଡ଼ ଧରଣର ପଞ୍ଜିକରଣ କରିଥିଲା । ମାସକୁ ଏହି ଆପ୍ ସାହାଯ୍ୟରେ ୫୨ ମିଲିୟନ୍ ଅର୍ଥାତ୍ ୫.୧ କୋଟିରୁ ଅଧିକ କାରବାର କରାଯାଇଥାଏ । ଏହି ନଗଦ ଆପ୍ ର ଆୟର ୩୫ ପ୍ରତିଶତ ଇଣ୍ଟରଚେଞ୍ଜ୍ ଫିରୁ ଆସିଥାଏ ।
We also think Jack Dorsey has built an empire—and amassed a $5 billion fortune—professing to care deeply about demographics he is taking advantage of.
Having sold shares near the top, he's ensured he'll be fine regardless of the outcome for everyone else.https://t.co/JSJtjx0MkD
— Hindenburg Research (@HindenburgRes) March 23, 2023
ସୂଚନା ଅନୁସାରେ,ଜାନୁଆରୀ ୨୪ରେ ହିଣ୍ଡେନବର୍ଗ ଦ୍ୱାରା ଆଦାନୀ ଗ୍ରୁପର ବହୁ ସଙ୍ଗୀନ ଅଭିଯୋଗ ଅଣାଯାଇଥିଲା । ରିପୋର୍ଟରେ କୁହାଯାଇଥିଲା ଯେ ଆଦାନୀ ଗ୍ରୁପ ସେଲ କମ୍ପାନି ମାଧ୍ୟମରେ ସେୟାର ମୂଲ୍ୟକୁ ବଢାଇଥିଲା । ଏହି ରିପୋର୍ଟ ପରେ ଆଦାନୀ ଗ୍ରୁପର ବିଭିନ୍ନ କମ୍ପାନିର ସେୟାର ଧରାଶାୟୀ ହୋଇଥିଲେ । ଅନ୍ୟପଟେ ଗୌତମ ଆଦାନୀଙ୍କ ସମ୍ପତ୍ତିରେ ମଧ୍ୟ ବଡ଼ ହ୍ରାସ ଘଟିଥିଲା ।