ମୁଁ ମୋଦିଙ୍କ ବିରୋଧରେ ମାନହାନି ମକଦ୍ଦମା କରିବି: ରେଣୁକା ଚୌଧୁରି
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମୋଦି ସରନେମକୁ ନେଇ ଆପତ୍ତିଜନକ ଟିପ୍ପଣୀ ମାମଲାରେ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ କୋର୍ଟ ୨ ବର୍ଷର ସଜା ଶୁଣାଇଛନ୍ତି । ଯାହାକୁ ନେଇ ସମସ୍ତ ବିରୋଧି ଦଳ ଏହାକୁ ବିରୋଧ କରିଛନ୍ତି । ଏସବୁ ଭିତରେ କଂଗ୍ରେସ ନେତା ରେଣୁକା ଚୌଧୁରି ଗୁରୁବାର ଏକ ଟ୍ୱିଟ କରିଛନ୍ତି । ସେ ଲେଖିଛନ୍ତି ‘ସୁର୍ପଣଖା’ କମେଣ୍ଟକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ମୁଁ ବି ମାନହାନି ମକଦ୍ଦମା କରିବି । ରେଣୁକା ଟ୍ୱିଟରେ ଲେଖିଛନ୍ତି, ଏବେ ଦେଖିବା କୋର୍ଟ କେତେ ଶୀଘ୍ର କାମ କରୁଛନ୍ତି । ଯାହାର ଭିଡିଓ ମଧ୍ୟ ଭାଇରାଲ ହେବାରେ ଲାଗିଛି ।
This classless megalonaniac referred to me as Surpanakha on the floor of the house.
I will file a defamation case against him. Let's see how fast courts will act now.. pic.twitter.com/6T0hLdS4YW
— Renuka Chowdhury (@RenukaCCongress) March 23, 2023
ଯେଉଁଥିରେ ପ୍ରଧାନମନ୍ତ୍ରୀ ରାଜ୍ୟ ସଭାର ଅଧ୍ୟକ୍ଷଙ୍କୁ ରେଣୁକା ଚୌଧୁରିଙ୍କ ହସକୁ ନେଇ କମେଣ୍ଟ କରିଥିଲେ । ସେ କହିଥିଲେ ରାମାୟଣ ସିରିଏଲ ପରେ ଆଜି ଏମିତି ହସ ଶୁଣିବାକୁ ମିଳିଛି । କଂଗ୍ରେସ ନେତା ରେଣୁକା ମୋଦିଙ୍କୁ ହୀନ ଓ ଖରାପ ଚିନ୍ତାଧାରା ବ୍ୟକ୍ତି ବୋଲି ଲେଖିଛନ୍ତି । ସେ (ମୋଦି) ମୋତେ ପାର୍ଲାମେଣ୍ଟରେ ସୁର୍ପଣଖା କହିଥିଲେ । ମୁଁ ତାଙ୍କ ବିରୋଧରେ ମାନହାନି ମକଦ୍ଦମା କରିବି । ଦେଖିବା କୋର୍ଟ ଏବେ କେତେ ଶୀଘ୍ର କାମ କରିବେ ।