ହିଞ୍ଜଳିକାଟୁ(ବଡ଼ ଖବର ବ୍ୟୁରୋ): କିଛିଦିନର ନୀରବତା ପରେ ପୁଣି ହିଞ୍ଜିଳି ଥାନା ଅଞ୍ଚଳରେ ମାତିଛନ୍ତି ଲୁଟେରା । ବଇଞ୍ଚବଣିଆ ବ୍ରିଜ ନିକଟ ୫୯ ଜାତୀୟ ରାଜପଥ କଡରେ ଥିବା ବାଇକ୍ ସୋ’ରୁମରେ ମଙ୍ଗଳବାର ମଧ୍ୟରାତିରେ କିଛି ଦୁର୍ବୃତ୍ତ ତାଲା ଭାଙ୍ଗି ନଗଦ ୪.୫୦ ଲକ୍ଷ ଟଙ୍କା ଲୁଟ କରିଥିବା ଅଭିଯୋଗ ହୋଇଛି । ପୋଲିସ ଘଟଣାସ୍ଥଳରେ ପହଞ୍ଚି ପ୍ରାଥମିକ ତଦନ୍ତ ଆରମ୍ଭ କରିବା ସହ ସନ୍ଧାନି କୁକୁର ଓ ସାଇନଟିଫିକ୍ ଟିମ୍ ସହାୟତାରେ ଅନୁସନ୍ଧାନ ଜାରି ରଖିଛି। ମଙ୍ଗଳବାର ରାତିରେ ମାଲିକ ଅନୁପସ୍ଥିତ ଥିବାରୁ କର୍ମଚାରୀମାନେ ସୋ ରୁମ ବନ୍ଦ କରିଥିଲେ। ବୁଧବାର ସକାଳେ ମାଲିକ ଆସି ଦେଖିଲା ବେଳକୁ କ୍ୟାସ ବକ୍ସରୁ ୪ ଲକ୍ଷ ୫୦ ହଜାର ଟଙ୍କା ଗାଏବ ହୋଇଯାଇଛି । ଚୋରି ବେଳର ଭିଡିଓ ସିସିଟିଭି ଫୁଟେଜରେ କଏଦ ହୋଇଥିବା ଜଣାପଡିଛି ।
