ପୁରୀ(ବଡ଼ ଖବର ବ୍ୟୁରୋ): ଶ୍ରୀମନ୍ଦିର ସେବାୟତଙ୍କୁ ମିଳିବ ଘର ତିଆରି କରିବା ପାଇଁ ସହାୟତା ମିଳିବ । ଘର ତିଆରି ପାଇଁ ୨ଲକ୍ଷ ଲେଖାଏଁ ଟଙ୍କା ଦିଆଯିବ । ଘର ସମ୍ପୂର୍ଣ୍ଣ କରିବା ପାଇଁ ଆବଶ୍ୟକ ଅବଶିଷ୍ଠ ଟଙ୍କା ସେବାୟତ ପରିବାର ଯୋଗାଡ଼ କରିବେ । ପ୍ରଥମ ପର୍ଯ୍ୟାୟରେ ୪୦୦ ପରିବାରକୁ ମିଳିବ ଏହି ସୁବିଧା । ସେବାୟତଙ୍କ ଘର ନିର୍ମାଣ ପାଇଁ ୮ଏକର ଜମିର ବ୍ୟବସ୍ଥା କରାଯିବ । ପ୍ରତି ପରିବାରକୁ ମିଳିବ ୬ଶହ ବର୍ଗଫୁଟ ଜାଗା । ସେବାୟତମାନଙ୍କଠାରୁ ଆବେଦନପତ୍ର ଆହ୍ୱାନ କରାଯିବ । ଆବେଦନକାରୀ ଅଧିକ ହେଲେ ଲଟେରୀ ହେବ ।
ସେହିପରି ଆସନ୍ତା ଶିକ୍ଷାବର୍ଷରୁ ପୁରୀରେ ହେବ ଗୁରୁକୁଳ । ଶ୍ରୀମନ୍ଦିର ମାଟିତୋଟାରେ ହେବ ଗୁରୁକୁଳ । ଏଣିକି ମନ୍ଦିର ପରିଚାଳନା ପାଇଁ ୫ବର୍ଷିୟା ଯୋଜନା ପ୍ରସ୍ତୁତ ହେବ । ପୁରୀ ଶ୍ରୀମନ୍ଦିର ନୂତନ ପରିଚାଳନା କମିଟିର ପ୍ରଥମ ବୈଠକରେ ଏଭଳି ନିଷ୍ପତ୍ତି ହୋଇଛି । ଗଜପତି ମହାରାଜ ଦିବ୍ୟସିଂହ ଦେବଙ୍କ ଅଧ୍ୟକ୍ଷତାରେ ଆୟୋଜିତ ବୈଠକ ଶେଷରେ ଶ୍ରୀମନ୍ଦିର ମୁଖ୍ୟ ପ୍ରଶାସକ କ୍ରିଷନ କୁମାର ଏହି ସୂଚନା ଦେଇଛନ୍ତି ।
