ଆବାସ ଯୋଜନା ଦୁର୍ନୀତି, ବ୍ଲକ ଘେରାଉ କଲା ବିଜେପି

କେନ୍ଦ୍ରାପଡ଼ା (ବଡ଼ ଖବର ବ୍ୟୁରୋ): ପ୍ରଧାନମନ୍ତ୍ରୀ ଆବାସ ଯୋଜନାରେ ବ୍ୟାପକ ଦୁର୍ନୀତି । ପ୍ରକୃତ ହିତାଧିକାରୀଙ୍କୁ ହେଉଛନ୍ତି ଆବାସ ଯୋଜନାରୁ ବଞ୍ଚିତ । ଶାସକ ଦଳ ବିଜେଡି ବ୍ଲକ ଅଧିକାରୀମାନଙ୍କ ଦ୍ଵାରା ଦୁର୍ନୀତିକୁ  ପୋ୍ରସାôହନ ଦେଉଥିବା ବିରୋଧ କରିଛି ଆଳି ବିଜେପି । ଆଜି ବିଜେପି ଜିଲ୍ଲା ସଭାପତି କୃଷ୍ଣ ଚନ୍ଦ୍ର ପଣ୍ଡାଙ୍କ ନେତୃତ୍ୱରେ ଆଳି ଡାକବଙ୍ଗଳା ଛକରୁ ବରିଷ୍ଠ ବିଜେପି ନେତା ଓ ଶତାଧିକ କର୍ମୀ ରାଜ୍ୟ ସରକାରଙ୍କ ବିରୋଧରେ ନାରାବାଜି କରିବା ସହ ଆଳି ବ୍ଲକ ଘେରାଉ କରିଥିଲେ । ବିଜେପି ନେତା ମାନେ ରାଜ୍ୟ ସରକାରଙ୍କ ବିରୋଧରେ ଅଭିଭାଷଣ ରଖିବା ସହ ମୋଦି ସରକାରଙ୍କ ଜନହିତକର ଗରିବ କଲ୍ୟାଣ ଯୋଜନା ବିଷୟରେ ସୂଚନା ଦେବାପରେ ଆଳି ବିଡିଓଙ୍କୁ ଏକ ଦାବିପତ୍ର ପ୍ରଦାନ କରିଥିବା ଦେଖିବାକୁ ମିଳିଛି ।