କାଲି ଗୁରୁତ୍ୱପୂର୍ଣ୍ଣ ଘୋଷଣା

ଭୁବନେଶ୍ୱର(ବଡ଼ ଖବର ବ୍ୟୁରୋ): କାଲି ଗୁରୁତ୍ୱପୂର୍ଣ୍ଣ ଘୋଷଣା କରିପାରନ୍ତି ମୁଖ୍ୟ ଶାସନ ସଚିବ । ଲକଡାଉନ ସଂପର୍କରେ ହେବ ଘୋଷଣା । କୋହଳ ହେବ ନା ନାହିଁ ସେ ସଂପର୍କରେ ହେବ ଘୋଷଣା । ଜୁଲାଇ ୧ରେ ସରୁଛି ପୂର୍ବ ଗାଇଡଲାଇନର ଅବଧି । ସାରା ରାଜ୍ୟକୁ ୨ଟି ଗ୍ରୁପରେ ଭାଗ କରି ଲାଗିଛି କଟକଣା । ଦକ୍ଷିଣ-ପଶ୍ଚିମ ଓଡ଼ିଶାରେ ସଂଧ୍ୟା ୫ ଯାଏଁ ଖୋଲୁଛି ଜରୁରୀ ଦୋକାନ । ଏଥିର ଆଉ କିଛି ଦୋକାନ ଖୋଲିବାକୁ ମିଳିପାରେ ଅନୁମତି ।

ଉପକୂଳ ୧୩ ଜିଲ୍ଲାରେ ଅପରାହ୍ନ ୧ ଯାଏଁ କୋହଳ । ରେଡ ଜୋନରେ ବାଲେଶ୍ୱର, ଖୋର୍ଦ୍ଧା । ଦୈନିକ ସଂକ୍ରମଣରେ ଶୀର୍ଷ ଛୁଇଁଛି ବାଲେଶ୍ୱର । କଟକ, ଯାଜପୁରରେ ବି ସଂକ୍ରମଣ ଉପରମୁହାଁ । ରେଡ୍ ଜୋନ୍ ପାଇଁ କଟକଣା ନ କମିବା ସମ୍ଭାବନା । ୟେଲୋ ଜୋନ୍ ଉପରେ ବି କଡ଼ା ନଜର । ଗ୍ରୀନ୍ ଜୋନ୍ ପାଇଁ ଫିଟିପାରେ ଆଉ କିଛି ତାଲା । ଡେଲଟା ପ୍ଲସ୍ ଓ ତୃତୀୟ ଲହରକୁ ଦେଖି ହେବ ନିଷ୍ପତ୍ତି । ଲୋକଙ୍କ ଜୀବିକା ସଂକଟରେ, କୋହଳ ପାଇଁ ବିଭିନ୍ନ ବର୍ଗର ଦାବି ।