‘ମୁଁ ଦେଶ ଛାଡି ଯାଇନି’: ଅମରୁଲ୍ଲା ସାଲେହ
କାବୁଲ (ବଡ଼ ଖବର ବ୍ୟୁରୋ): ଦୀର୍ଘ ୨୦ ବର୍ଷ ପରେ ଆଫଗାନିସ୍ତାନକୁ ଜବର ଦଖଲ କରିଥିବା ତାଲିବାନ ଏବେ ନିଜ କ୍ଷମତାକୁ ଫେରିଛି । ଗତକାଲି ପଞ୍ଜଶିରଙ୍କୁ କାବୁ କରିଥିବା ନେଇ ଦାବି କରିଛି । ଗଣମାଧ୍ୟମ ରିର୍ପୋଟରେ ଗତକାଲି ଏହା ଦାବି ହୋଇଥିଲା ଯେ ପଞ୍ଜଶିର ଏବେ ତାଲିବାନୀ ଅଧୀନରେ ଅଛି । କେବଳ ଏତିକି ନୁହେଁ,ନିଜକୁ ଆଫଗାନର ରାଷ୍ଟ୍ରପତି ଘୋଷଣା କରିଥିବା ଅମରୁଲ୍ଲା ସାଲେହ ମଧ୍ୟ ପଞ୍ଜଶିର ଛାଡିଦେଇଥିବା ଖବର ମଧ୍ୟ ଚର୍ଚ୍ଚା ହେଉଛି ।
ହେଲେ ଅମରୁଲ୍ଲା ସାଲେହ ନିଜେ ଏକ ଭିଡିଓ ଜରିଆରେ ଏହା କହିଛନ୍ତି ଯେ ସେ ଦେଶ ଛାଡି ପଳାଇଥିବା ଖବର ସମ୍ପୂର୍ଣ୍ଣ ମିଥ୍ୟା । ସେ ଏବେ ବି ପଞ୍ଜଶିର ଉପତ୍ୟାକାରେ ଅଛନ୍ତି । ସେ ସବୁ କ୍ଷେତ୍ରରେ ତାଲିବାନୀଙ୍କ ସହ ଲଢିବା ପାଇଁ ପ୍ରସ୍ତୁତ ଅଛନ୍ତି । ସେ ତାଲିବାନର ଏପରି ଗୁଜବ ଖବରକୁ ଖଣ୍ଡନ କରିଛନ୍ତି । ସେ କହିଛନ୍ତି ଯେ ଗତ ଚାରିରୁ ପାଞ୍ଚ ଦିନ ହେଲା ତାଲିବାନ ଓବଂ ଅନ୍ୟ ସୈନ୍ୟମାନେ ପଞ୍ଜଶିର ଉପତ୍ୟାକା ଉପରେ ଆକ୍ରମଣ କରୁଛନ୍ତି । ହେଲେ ଏ ଯାଏଁ ତାଲିବାନ ପଞ୍ଜଶିରକୁ ଦଖଲ କରିନାହିଁ । ଏବେବି ତାଲିବାନ ପଞ୍ଜଶିର ଉପତ୍ୟାକାଠୁ ବହୁ ଦୂରରେ ଅଛି ।