ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ତେଜିବାରେ ଲାଗିଛି ରେସଲରଙ୍କ ଆନେ୍ଦାଳନ । ମାସେରୁ ଅଧିକ ଦିନ ହେଲାଣି ଧାରଣାରେ କୁସ୍ତିଯୋଦ୍ଧା । ସେପଟେ କୃଷକ ନେତା ରାକେଶ ଟିକାୟତ ଗଙ୍ଗାରେ ମେଡାଲ ନ ଭସାଇବା ପାଇଁ ରେସଲଙ୍କୁ ବୁଝାଇଛନ୍ତି । ଯାହାକୁ ନେଇ ପ୍ରତିକ୍ରିୟା ରଖିଛନ୍ତି ରେସଲିଂ ଫେଡେରେଶନର ଅଧ୍ୟକ୍ଷ ବ୍ରିଜ ଭୂଷଣ ଶରଣ ସିଂ । ସେ କହିଛନ୍ତି, ଗଙ୍ଗାରେ ପଦକ ଫିଙ୍ଗିଥିବାରୁ ବ୍ରିଜ ଭୂଷଣଙ୍କୁ ଫାଶୀ ଦିଆଯିବ ନାହିଁ। ସେ କହିଛନ୍ତି, ପ୍ରଥମ ଦିନ ଯେତେବେଳେ ମୋ ବିରୋଧରେ ଅଭିଯୋଗ ଆଣାଯାଇଥିଲା, ମୁଁ କହିଥିଲି, ଏହା କେବେ ଘଟିଲା, କେଉଁଠାରେ ଘଟିଲା, କାହା ସହିତ ଏହା ଘଟିଲା ।
ଯଦି ଗୋଟିଏ ଅଭିଯୋଗ ମଧ୍ୟ ପ୍ରମାଣିତ ହୁଏ, ତେବେ ବ୍ରିଜ ଭୂଷଣ ସିଂ ନିଜେ ଫାଶୀ ପାଇବାକୁ ପଛେଇବ ନାହିଁ। ଚାରି ମାସ ହେଲାଣି। ସରକାର ମୋତେ ଫାଶୀ ଦେବାକୁ ଯାଉନାହାଁନ୍ତି, ତେଣୁ ସେମାନେ ଗଙ୍ଗାରେ ମେଡାଲ ବିସର୍ଜନ କରିବାକୁ ଯାଉଛନ୍ତି। ଯେଉଁମାନେ ମୋତେ ଦୋଷ ଦେଉଛନ୍ତି, ସେମାନେ ଜାଣିବା ଆବଶ୍ୟକ ଯଦି ତୁମ ପାଖରେ ପ୍ରମାଣ ଅଛି ତେବେ ଯାଇ ପୋଲିସକୁ ଦିଅ, କୋର୍ଟକୁ ଦିଅ ଏବଂ ଯଦି କୋର୍ଟ ମୋତେ ଫାଶୀ ଦିଅନ୍ତି ତେବେ ମୋତେ ଫାଶୀ ଦିଆଯିବ। ବ୍ରିଜ ଭୂଷଣ ଖେଳାଳିଙ୍କ ଘୋଷଣାକୁ ଏକ ଭାବପ୍ରବଣ ଡ୍ରାମା ବୋଲି କହିଛନ୍ତି।
