ଗୋଧ୍ରା ହିଂସାକାଣ୍ଡରେ ମୋ ଛବିକୁ ଖରାପ କରାଯାଇଛି: ମୋଦି
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଗୋଧ୍ରା ହିଂସାକାଣ୍ଡକୁ ପ୍ରତିକ୍ରିୟା ରଖିଛନ୍ତି ପ୍ରଧାନମନ୍ତ୍ରୀ । କହିଛନ୍ତି ମୋ ଛବିକୁ ଖରାପ କରାଯାଇଛଇ । ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ମୋଦି କହିଛନ୍ତି, ୨୦୦୨ ଗୋଧ୍ରା ହିଂସାକାଣ୍ଡ ପରେ କିଛି ଲୋକ ମୁସଲିମ ସଂପ୍ରଦାୟ ଭିତରେ ତାଙ୍କ ଛବିକୁ ଖରାପ କରିଦେଇଥିଲେ । ସେତେବେଳେ ମୁସମଲମାନଙ୍କୁ ନେଇ ତାଙ୍କର ଯେଉଁ ଛବି ତିଆରି ହୋଇଥିଲା, ଏବେ ତାହା ଭୁଲ ପ୍ରମାଣିତ ହୋଇଛି ।
ସେ ଆହୁରି କହିଛନ୍ତି, ଅନେକ ହୁଏତ ଜାଣନ୍ତି ନାହିଁ ଯେ ଆମ ଘରେ ଇଦ ବେଳେ ରୋଷେଇ ହୁଏ ନାହିଁ । କାରଣ ପଡ଼ୋଶୀ ମୁସଲିମ ପରିବାର ଆମ ଘରକୁ ଆସି ସୁସ୍ବାଦୁ ଖାଦ୍ୟ ଦେଇଯାଆନ୍ତି । ମୁଁ କେବେ ବି ଜାତି-ଧର୍ମ ଆଧାରରେ କାମ କରି ନାହିଁ । ଦେଶବାସୀଙ୍କୁ ଗୋଟିଏ ଦୃଷ୍ଟିରେ ଦେଖେ । ଏବେ ତାଙ୍କୁ ନେଇ ମୁସଲମାନଙ୍କ ଚିନ୍ତାଧାରାରେ ପରିବର୍ତ୍ତନ ଆସିଛି । ଅନେକ ମୁସଲମାନ ତାଙ୍କୁ ବହୁତ ଭଲ ପାଉଛନ୍ତି, ତାଙ୍କ ପାଇଁ ସବୁ କିଛି ଉତ୍ସର୍ଗ କରିବା ପାଇଁ ପ୍ରସ୍ତୁତ ଅଛନ୍ତି ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।