(ବଡ଼ ଖବର ବ୍ୟୁରୋ): ପାକିସ୍ତାନ ଏନଏସଏର ଚାଞ୍ଚଲ୍ୟକର ବୟାନ । ତାଲିବାନକୁ ସ୍ୱୀକୃତି ନଦେଲେ ପୁଣି ୯/୧୧ ଭଳି ଘଟଣା ଘଟିବ ବୋଲି ଚେତାବନୀ ଦେଇଛନ୍ତି । ପାକିସ୍ତାନ ଜାତୀୟ ସୁରକ୍ଷା ପରାମର୍ଶ ଦାତା ମୋଇଦ ୟୁସୁଫ ବ୍ରିଟିସର ଏକ ସମ୍ବାଦପତ୍ରର ସାମ୍ବାଦିକା ଖ୍ରଷ୍ଟିିନା ଲ୍ୟାମ୍ବଙ୍କୁ ସାକ୍ଷାତକାର ଦେବା ସମୟରେ ଏଭଳି ଚେତାବନୀ ଦେଇଛନ୍ତି । ଗଣମାଧ୍ୟମରେ ଏହି କଥା ପ୍ରସାରିତ ହେବା ପରେ ୟୁସୁଫ ଅବିକଳ ଏହି କଥା କହିନାହାଁନ୍ତି ବୋଲି କହିଛନ୍ତି ।
ୟୁସୁଫ ସଣ୍ଡେ ଟାଇମ୍ସ ଆଗରେ ଏନେଇ ଅଭିଯୋଗ ମଧ୍ୟ କରିଛନ୍ତି । ପ୍ରକାଶିତ ସାକ୍ଷାତକାର ବାବଦରେ ଏକ ସ୍ପଷ୍ଟିକରଣ ପ୍ରକାଶ କରିବାକୁ ଅନୁରୋଧ କରିଛନ୍ତି । ସେପଟେ ସାମ୍ବାଦିକା ଖ୍ରୀଷ୍ଟିନା ଲ୍ୟାମ୍ବ କହିଛନ୍ତି ସାକ୍ଷାତକାରକୁ ରେକର୍ଡ କରାଯାଇଛି । ୟୁସୁଫ ଯାହା ଅଭିଯୋଗ କରିଛନ୍ତି ତାହା ମିଛ ।
