ବଲିଉଡରେ ‘ଇଣ୍ଡିଆ ଓ ‘ଭାରତ’ ନାମକରଣ ବିବାଦର ପ୍ରଭାବ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ):ଦେଶରେ ଲାଗି ରହିଛି ‘ଇଣ୍ଡିଆ’ ଓ ‘ଭାରତ’ ନାମକରଣକୁ ନେଇ ବିବାଦ । ଏହାକୁ ନେଇ ଏବେ ରାଜନୀତି ସଗରମ । ଏହି ପ୍ରସଙ୍ଗରୁ ବଲିଉଡ ମଧ୍ୟ ବାଦ ପଡିନି । ବଲିଉଡର ଆକ୍ସନ ହିରୋ ଅକ୍ଷୟ କୁମାର ମଧ୍ୟ ଏନେଇ ପରୋକ୍ଷରେ ନିଜର ସମର୍ଥନ ଜଣାଇଛନ୍ତି ।
‘ଇଣ୍ଡିଆ’ ‘ଭାରତ’ର ନାମକରଣକୁ ନେଇ ପରୋକ୍ଷରେ ନିଜର ମତ ରଖିଲେ ବଲିଉଡର ଖିଲାଡି କୁମାର ଅକ୍ଷୟ । ଆକ୍ସନ ଷ୍ଟାର ଅକ୍ଷୟ କୁମାର ଦେଶର ନାଁ କେବଳ ‘ଭାରତ’ ରଖିବାକୁ କେନ୍ଦ୍ର ସରକାରଙ୍କୁ ପରୋକ୍ଷରେ ନିଜର ସମର୍ଥନ ଜଣାଇଛନ୍ତି । ଏଥିପାଇଁ ସେ ନିଜ ଅଭିନୀତ ଚଳଚ୍ଚିତ୍ରର ନାଁକୁ ବଦଳାଇ ଦେଇଛନ୍ତି । ତାଙ୍କ ଅଭିନୀତ ଫିଲ୍ମ ‘ମିଶନ ରାନିଗଞ୍ଜ:ଦ ଗ୍ରେଟ ଇଣ୍ଡିଆନ ରେସ୍କ୍ୟୁ’କୁ ବଦଳାଇ ନାଁ ଦେଇଛନ୍ତି ‘ମିଶନ ରାନିଗଞ୍ଜ: ଦ ଗ୍ରେଟ ଭାରତ ରେସ୍କ୍ୟୁ’ ।
ଚଳଚ୍ଚିତ୍ରଟି ଅକ୍ଟୋବର୬ରେ ମୁକ୍ତିଲାଭ କରିବ । ଖିଲାଡି କୁମାର ତାଙ୍କ ଇନଷ୍ଟାଗ୍ରାମରେ ଫଟୋ ଶେୟାର କରି ଲେଖିଛନ୍ତି ହିରୋ କେବେ ମେଡାଲ ପାଇଁ ଅପେକ୍ଷା କେରନି । ହିରୋ ୧୯୮୯ ମସିହାରେ ଅସମ୍ଭବ ଶବ୍ଦକୁ ହାସଲ କରିଥିଲେ । ଭାରତର ହିରୋମାନଙ୍କୁ ଜାଣିବା ପାଇଁ ସମସ୍ତେ ଏହି ଫିଲ୍ମଟିକୁ ପ୍ରେକ୍ଷାଳୟରେ ଦେଖନ୍ତୁ ବୋଲି ସେ ପୋଷ୍ଟରରେ ଉଲ୍ଲେଖ କରିଛନ୍ତି । ଏହି ଚଳଚ୍ଚିତ୍ରରେ ଅକ୍ଷୟ କୁମାରଙ୍କୁ ସବ୍ର୍ଗତ ଯଶୱନ୍ତ ସିଂ ଗିଲ୍ଙ୍କ ଭୂମିକାରେ ଦେଖିବାକୁ ମିଳିବ।
୧୯୮୯ରେ ରାଣୀଗଞ୍ଜର କୋଇଲା ଅଞ୍ଚଳରେ ଫସିରହିଥିବା ଖଣି କର୍ମଚାରୀଙ୍କୁ ଯଶୱନ୍ତ ଉଦ୍ଧାର କରିଥିଲେ । ସେହି ସତ ଘଟଣାକୁ ନେଇ କାହାଣୀଟି ପ୍ରସ୍ତୁତ ହୋଇଛି । ଜଳଜ୍ଜିତ୍ରରେ ଅନ୍ୟମାନଙ୍କ ମଧ୍ୟରେ ଅଭିନେତ୍ରୀ ପରିଣିତୀ ଚୋପ୍ରା,ପୱନ ମାଲହୋତ୍ରା,କୁମୁଦ ମିଶ୍ରା, ରବି କିଶାନ, ଶିଶିର ଶର୍ମା ପ୍ରମୁଖ ରହିଛନ୍ତି । ଚଳଚ୍ଚିତ୍ରଟିକୁ ନିର୍ଦ୍ଦେଶନା ଦେଇଛନ୍ତି ଟିନୁ ସୁରେଶ ଦେଶାଇ ।