ପାକିସ୍ତାନରେ ମହାରାଜା ରଣଜୀତ ସିଂହଙ୍କ ମୂର୍ତ୍ତି ଭଙ୍ଗାରୁଜା

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ନୂଆଦିଲ୍ଲୀରେ ଥିବା ପାକିସ୍ତାନ ହାଇକମିଶନର ଅଫିସ ଆଗରେ ବିକ୍ଷୋଭ । ବିଜେପି କରିଛି ବିକ୍ଷୋଭ । ପାକିସ୍ତାନର ଲାହୋରରେ ମହାରାଜା ରଣଜୀତ ସିଂହଙ୍କ ପ୍ରତିମୂର୍ତ୍ତି ଭଙ୍ଗାରୁଜା ପ୍ରତିବାଦରେ ବିଜେପି କରିଛି ବିକ୍ଷୋଭ ।

ତହରିଫ-ଏ-ଲବେକ ପାକିସ୍ତାନ ମହାରାଜା ରଣଜୀତ ସିଂହଙ୍କ ପ୍ରତିମୂର୍ତ୍ତିକୁ ଭଙ୍ଗାରୁଜା କରିଛି । ଲାହୋର କିଲାରେ ୨୦୧୯ ଜୁନ୍ରେ ଏହି ପ୍ରତିମୂର୍ତ୍ତି ଉନ୍ମୋଚନ ହୋଇଥିଲା । ସେବେଠାରୁ ଆଜି ପର୍ଯ୍ୟନ୍ତ ଏହି ମୂର୍ତ୍ତିକୁ ୩ଥର ଭଙ୍ଗା ଗଲାଣି । ୧୮୩୯ରେ ଶିଖ ଶାସକ ମହାରାଜା ରଣଜୀତ ସିଂହଙ୍କ ଲାହୋରରେ ମୃତ୍ୟୁ ହୋଇଥିଲା । ଏହି ସମୟରେ ଭାରତର ଅଂଶ ଥିଲା ଲାହୋର । ତାଙ୍କ ସ୍ମୃତିରେ ଏହି ମୂର୍ତ୍ତିକୁ ଲାହୋର ଦୁର୍ଗ ତଥା ସାହୀ କିଲାରେ ନିର୍ମାଣ କରାଯାଇଥିଲା ।