ଭୁବନେଶ୍ୱର-ପୁରୀ ରାସ୍ତାରେ ଅସମ୍ଭାଳ ଭିଡ଼

ଭୁବନେଶ୍ୱର (ବଡ଼ ଖବର ବ୍ୟୁରୋ):  ମହାପ୍ରଭୁଙ୍କ ସୁନାବେଶ ପାଇଁ ପୁରୀରେ ଅସମ୍ଭାଳ ଭିଡ । ଶ୍ରୀଜିଉଙ୍କ ଦର୍ଶନ ପାଇଁ ଲକ୍ଷ ଲକ୍ଷ ଭକ୍ତଙ୍କ ସମାଗମ ବଢିଚାଲିଛି । ଏବେ ଠାରୁ ଟ୍ରାଫିକ୍ ଜାମ୍ ହେବାରେ ଲାଗିଲାଣି । ଏନେଇ ଭୁବନେଶ୍ୱର ପୁରୀ ରାସ୍ତାରେ ଅସମ୍ଭାଳ ଭିଡ଼ ଦେଖିବାକୁ ମିଳିଥିବା ବେଳେ ପୁରୀ ଟ୍ରାଫିକ କଣ୍ଟ୍ରୋଲ ରୁମ୍ ପକ୍ଷରୁ ସଚେତନ କରାଯାଇଛି । ମାଳତୀ ପାଟପୁର ଟ୍ରାଫିକ ଅତିକ୍ରମ କରିବାକୁ ଲାଗୁଛି ୨ ଘଣ୍ଟାରୁ ଅଧିକ ସମୟ । ପିପିଲି ନିକଟରୁ ମାଳତୀପାଟପୁର ପର୍ଯ୍ୟନ୍ତ ଗାଡିର ଲମ୍ବା ଲାଇନ ଲାଗିଛି। ମାଳତୀପାଟପୁର ନିକଟରୁ ଗାଡିଗୁଡିକୁ ତାଳ ବଣିଆ ପାର୍କିଂକୁ ପଠାଯାଉଛି । ଟ୍ରାଫିକ ଅଧିକାରୀଙ୍କ ଦ୍ବାରା ଘଣ୍ଟାକରେ ଥରେ ସୋସିଆଲ ମିଡିଆରେ ଆଡଭାଇଜରି ଜାରି କରାଯାଇ ସତର୍କତାର ସହ ଯାତ୍ରା କରିବା ପାଇଁ ସଚେତନ କରାଯାଉଛି ।